Новости за 02.02.2018

Директорот на ЦИА Мајк Помпео изјави дека нема ништо лошо во среќавањето меѓу американски и руски разузнавачи. Претходно лидерот на демократите во Сенатот Чак Шумер упати критики поради тоа што двајца шефови на руските разузнавачки служби кои се под санкции на САД и ЕУ добиле дозвола да влезат во Соединетите држави. Помпео во писмо до Шумер наведува дека и претходните американски влади се сретнувале со руски разузнавачи и оти теми на неодамнешниот состанок во Вашингтон биле борбата против тероризмот и безбедноста во авио сообраќајот.

Премиерот на Македонија Зоран Заев очекува до средината на годината да се најде решение за над 25-годишниот спор за името со Грција и на Самитот на НАТО во јуни да биде активирана поканата за членство на Македонија. Во изјава за бугарската телевизија „Нова“, Заев вели дека евентуалното решение ќе треба да биде одобрено на референдум. „Референдумот треба да биде дополнителна гаранција и за нашите пријатели од Република Грција, бидејќи со тоа дефинитивно ќе се тргнат сите сомнежи, а народот ќе стои зад решението кое ќе биде прифатено. Читать дальше...

Американскиот државен секретар Рекс Тилерсон ги предупреди земјите од Латинска Америка да бидат претпазливи во врска со кинеските инвестиции, наведувајќи дека тие потсетуваат на некогашниот европски колонијализам. Тој исто така ја осуди Русија поради продажба на оружје на авторитарните влади во регионот. Пред турнејата по Латинска Америка, Тилерсон изјави дека тој регион треба да се чува од „далечните сили кои не ги одразуваат основите регионални вредности“.

Шефот на грчката дипломатија Никос Коѕијас е уверен дека до јуни ќе се реши прашањето за името. Тој во интервју за новинската агенција Ројтерс оценува дека тоа е во интерес и на Грција и на регионот.

Лидерите на германските главни политички партии изјавија дека се оптимисти во врска со постигнување договор за формирање „голема коалиција“. Претставници на конзервативците на канцеларката Ангела Меркел и социјалдемократите за денеска најавија одвоени средби за да се подготват за финалната рунда разговори во текот на претстојниот викенд. Тие поставија рок до 4 февруари да постигнат договор за формирање коалициска влада на чие чело ќе биде Меркел. Партиите се надеваат на решение со што би се избегнале предвремени парламентарни избори.

Рускиот претседател Владимир Путин се очекува да учествува на церемоните во градот кој порано беше познат како Сталинград за одбележување на 75 годишнината од една од најкрвавите битки во Втората светска војна. Годишнината во Волгоград ќе се одбележи и со парада на која ќе учествуваат и 75 тенкови. Петмесечната битка за Сталинград стана симбол на советскиот отпор против нацистичката окупација и претставува пресвртен момент во Втората светска војна. Се верува дека притоа загинале над милион луѓе.

Шефот на грчката дипломатија Никос Коѕијас е уверен дека до јуни ќе се реши прашањето за името, оценувајќи дека тоа е во интерес и на Грција и на регионот. „Во животот, Александар Велики... докажа дека треба да ги сечеме Гордиевите јазли. Во еден момент, треба да завршиме со такви прашања“, вели Никос Коѕијас во интервју за Ројтерс. Тој повторува дека спогодбата што Грција ќе и ја достави на Македонија нема да биде текст што ќе ги содржи само грчките ставови, ниту пак завршен договор, туку ќе биде... Читать дальше...

Во Македонија ќе биде променливо облачно со повремен дожд, главно во западниот дел на земјата. Повремено ќе дува и засилен ветер од јужен правец. Температурата ќе се движи од 6 до 16 степени. Во Скопје и околината слично време со температура до 13 степени.