Новости за 26.02.2018

Израелски сателит снимил руски борбени авиони од типот стелт „Сухој 57“, објавија израелските медиуми. Притоа се додава дека два такви авиона се наоѓале во воздушната база во сиријската провинција Латакија. Овие авиони се уште во целост не се оперативни и Русија, како што се наведува, ќе ја користела Сирија како полигон за нивно тестирање. „Су 57“ се смета за петта генерација на борбени авиони во која спаѓаат и американските авиони „Еф 22“ и „Еф 35“.

Христијанските верски лидери во Ерусалим ја затвориле Црквата на Светиот Гроб која е изградена на местото каде што се верува дека Исус Христос бил распнат, погребан и воскреснат. Затворањето е во знак на протест против израелскиот план за оданочување на деловните активности на црквата. Во заедничкото соопштение на лидерите кои ја делат одговорноста за локацијата го нападнаа она што тие го нарекуваат „систематска кампања на злоупотреба“ против нив и невиден напад врз христијаните во Светата земја. Читать дальше...

Илјадници граѓани протестираа во неколку градови во Романија барајќи оставка на министерот за правда Тудорел Тоадер поради неговото барање за смена на главната обвинителка за корупција. Некои од демонстрантите пред владата во Букурешт носеа кукли на познати политичари во затворски униформи. Тоадер во четвртокот побара сменување на Лаура Кодрите Ковеши, главна обвинителка на Државниот антикорупциски директорат на Романија. Тој наведе дека постоела сериозна загриженост поради начинот на кој таа ја извршувала работата. Читать дальше...

Шефот на Европската комисија, Жан Клод Јункер им порача на сите земји од Западниот Балкан дека 2025 година е датумот кога би можело да пристапат во Европската унија, под услов да работат на исполнување на критериумите за членство.

Белата куќа соопшти дека ќе почека да види дали е сериозна најавата на Пјонгјанг за разговори со Соединетите држави, што е редок чекор кон дипломатија по повеќемесечните нуклеарни и ракетни проби на Северна Кореја и заканите со војна од двете страни. Во американската делегација на завршувањето на Зимските олимписки игри во Јужна Кореја беше и портпаролката на Белата куќа Сара Сандерс која изјави дека претседателот Доналд Трамп останува посветен на постигнување целосна и „неповратна“ денуклеаризација на Корејскиот полуостров.

Претседателот на Европската комисија Жан Клод Јункер и еврокомесарот за проширување Јоханес Хан во рамките на нивната посета на регионот денеска и утре ќе престојуваат во Белград каде што ќе разговараат со српскиот претседател Александар Вучиќ и премиерката Ана Брнабиќ. Тие доаѓаат во Белград од Тирана, а балканската турнеја ја почнаа во Скопје. По Белград Јункер заминува за Подгорица каде што ќе им се обрати на пратениците на црногорското собрание. Јункер и Хан на 28 февруари ќе престојуваат во... Читать дальше...

Во Македонија ќе биде облачно и студено со повремени врнежи од снег. Врнежите ќе бидат пообилни во ноќните часови. Ќе дува умерен, а долж Повардарието повремено засилен севрен ветер. Температурата ќе се движи од миус 4 до 3 степени. Во Скопје и околината слично време со температура околу нулата.