Новости за 25.06.2018

Некои од вас велат „капитулејшн, некаков си пакт чејнџ д’нејм и сега оп, одма почнаа да нè викаат Македонија. Браос, кое лицемерие“, и забораваат дека САД пред повеќе години ја признаа нашава земја под уставното име.

При јавно објавен договор, ВМРО-ДПМНЕ се дрзнува да ја лаже јавноста, македонските топоними не се забрануваат, одговори владејачката СДСМ на денешните обвинувања од опозицијата дека со Договорот со Грција нема да смеат да се користат македонските називи за Солун, Кукуш, Кутлеш... „Очигледно е дека ВМРО-ДПМНЕ нема друг начин на делување освен ширењето лажни вести и невистини преку кои се обидува да ги манипулира граѓаните. Во договорот јасно стои дека приоритет им се дава на ендонимите, наместо егзонимите... Читать дальше...

За само една година владата на СДСМ на чело со Зоран Коте Заев ја брише вековната македонска историја, но и ја загрозува иднината на цела една нација, обвини денеска опозициската ВМРО-ДПМНЕ во своето пишано соопштение. „Македонија ќе биде единствена која се откажува од своите егзоними. Солун ќе остане Солун и за Србија и за Бугарија, но Македонците ќе мора да го викаат Тесалоники. Кукуш, родниот град на македонскиот великан Гоце Делчев, за учениците од Северна Македонија ќе биде Килкис. Воден - Едеса. Читать дальше...

Советот на ЕУ за општи работи утре ќе расправа за проширувањето на ЕУ, односно почеток на пристапни преговори на Албанија и на Македонија. Грција повеќе не е пречка за Македонија по договорот за името, но сега Франција се противи на проширувањето на ЕУ.

Македонија и Албанија ги исполнија задачите за преговори, изјави австриската министерка за надворешни работи Карин Кнајсл, на  новинарско прашање за отворањето преговори со Скопје и Тирана. „Не можам да зборувам во име на сите 27 земји, но во наши очи не станува збор да им се подари нешто на овие земји, туку ова е прашање на логика. Им дадовме задачи на Албанија и на Македонија, им поставувавме цели што треба да се постигнат и им рековме да ги исполнат. ЕК и Федерика Могерини ја имаат поддршката на Австрија“, изјави Кнајсл. Читать дальше...

Напуштањето на ЕУ ја чини Велика Британија 440 милиони фунти неделно, објави „Бизнис инсајдер“, повикувајќи се на резултатите од последното истражување на Центарот за европска реформa. Според истражувањето, благодарение на пониските приходи од даноци, ударот од гласањето за напуштање на ЕУ врз јавните финансии изнесува 23 милијарди фунти годишно. „Наодите целосно ја побиваат неодамнешната изјава на премиерката Тереза Меј дека значително ќе го зголеми финансирањето во здравството со дивидендата од Брегзит“, пишува „Бизнис инсајдер“.

Во истрагата за убиството на кандидатот за градоначалник на мексиканскиот град Окампо, Фернан Хуарес, а под сомнение за вмешаност, уапсени се сите 27 полицајци вработени во полициска станица во градот, објави Би-Би-Си. Хуарес е трет политичар убиен во западна држава Мичоакан за само една недела и еден од стотината убиени во последните неколку месеци во Мексико, пред локалните избори закажани за први јули. Мексико веќе подолго време е во врвот на светската листа на држави со најмногу убиства на политичари.

Како дел од стратегијата на ЕУ за проширување во регионот, денеска ќе биде стартувана Дигиталната агенда за Западен Балкан. Главни области на оваа агенда се намалување на трошоците на роамингот, широкопојасниот интернет, развојот на е-влада, е-набавки, е-здравство и дигитални вештини, градењето капцитети во дигиталната доверба и безбедност паралелно со напорите за подобрување на дигитализацијата на индустриите и донесување, спроведување и јакнење на “acquis“ системот. Пакетот за поврзување за... Читать дальше...

Ден пред клучниот состанок на министрите за надворешни работи на земјите-членки на ЕУ, на кој треба да се разгледува препораката за почеток на преговорите со Македонија, шефицата на европска дипломатија и безбедност, Федерика Могерини, уште еднаш ги повика земјите членки „да го наградат напредокот на Македонија“. „Знаете дека препорачавме отворање преговори со Скопје и Тирана, овој процес мора да се заснова на заслуги, што значи дека кога има напредок тој мора да биде признаен и да биде охрабрен и придружуван. Читать дальше...

Американскиот советник за национална безбедност Џон Болтон од денеска е на европска турнеја во рамките на која, како што се очекува, ќе престојува во Москва за расчистување на патот за состанокот меѓу претседателите Доналд Трамп и Владимир Путин во идниот месец. Болтон најпрвин ќе се сретне со американските сојузници на 25 и 26 јуни во Лондон и Рим пред да замине во Москва на 27 јуни. Американскиот државен секретар Мајк Помпео изјави дека наскоро би можело да дојде до средба меѓу Трамп и Путин.

Лидерите на 16 земји членки на ЕУ и покрај изјавите за обединети напори во решавањето на мигрантската криза, сепак на нивниот вчерашен мини самит во Брисел, како што јавуваат новинските агенциите, не успеале да договорат конкретни акции. „Ќе продолжиме да работиме за решавање на ова прашање“, изјави германската канцеларка Ангела Меркел по состанокот, додавајќи дека била покажана добра волја и покрај разликите што постојат меѓу членките во врска со мигрантите. Унгарија, Полска, Словачка и Чешка, односно таканаречената Вишеградска четворка... Читать дальше...

Околу 4 илјади луѓе протестираа вчера во Солун, против договорот за името меѓу Грција и Македонија. Демонстрантите, повеќето од нив од крајната десница, носеа транспаренти на кои било напишано „Политичари предавници“. Тие ги нападнаа локалните канцеларии на владејачките партии Сириза и Независни Грци, по што полицијата ги растера со солзавец. Грција и Македонија на 17 јуни потпишаа историска спогодба за решавање на спорот на името.

Реџеп Таип Ердоган и неговата владејачка Партија на правдата и развојот победија на претседателските и на парламентарните избори што вчера се одржаа во Турција. Тоа беше нивниот најголем изборен предизвик во измината деценија ипол од кога се на власт во таа земја.

Турската изборна комисија соопшти дека Реџеп Таип Ердоган победи на претседателските избори уште во првиот круг со што тој добива нови овластувања како шеф на државата. „Ердоган победи со апсолутно мнозинство и со сите важечки гласови“, изјави денеска во Анкара Сади Гувен, шеф на Централната изборна комисија. Претходно државната телевизија јави дека со 99 насто од пребројаните гласови, Ердоган имал 52,5 проценти, додека неговиот главен ривал Мухарем Инче 31 насто. Во Турција истовремено вчера се одвиваа и парламентарни избори. Читать дальше...

Шефот на грчката дипломатија Никос Коѕијас денеска, како што јавува МИА, би требало да ги испрати писмата до ЕУ и НАТО, дека Грција нема да се противи за европска и евро-атлантска интеграција на Македонија, што е исполнување на нејзинот дел од обврските од Договорот за решавање на спорот за името. Коѕијас говорејќи пред новинарите на крајот од конференција на грчкиот остров Родос во петокот, потврди дека ја добил нотата од македонското МНР оти Договорот е ратификуван. Тој објасни дека за да има напредок... Читать дальше...

Во Македонија ќе биде променливо облачно, од пладне и особено во западните и јужните делови со врнежи од дожд, кои локално ќе бидат пообилни. Ќе дува слаб до умерен северен ветер. Максималната температура ќе се движи од 14 до 24 степени. Во Скопје и околината слично време со температура до 23 степени.