Новости за 05.12.2018

Украинската безбедносна агенција соопшти дека спречила голем сајбер напад и ја обвини Русија дека се обидела да го наруши судскиот систем во Украина. Хакерите, како што е соопштено, користеле фалсификувани сметки во нападот врз компјутери на украинскиот правосуден систем. Украина постојано е цел на големи сајбер напади уште од 2014 година кога Русија го анкетира полуостровот Крим.

Францускиот министер за внатрешни работи Кристоф Кастанер ги повика, како што рече, „разумните жолти елеци“ в сабота да не се собираат во Париз и предупреди дека ќе го зголеми бројот полицајци на улиците. По нередите во минатиот викенд Кастанер во говорот во францускиот Сенат побара воздржување од насилни протести. За да го смири големото незадоволство, француската влада за шест месеци го одложи поскапувањето на бензинот, струјата и гасот.

Судија на претходна постапка му одреди триесетдневен притвор на поранешниот директор на Управата за безбедност и контраразузнавање – УБК, Владимир Атанасовски, поради инволвираност во настаните од 27 април во Собранието на Македонија. Притворот му е одреден на предлог на обвинителството. Атанасовски синоќа бил приведен и однесен на распит во Кривичниот суд. Обвинителството за организиран криминал и корупција побарало притвор врз три основи: опасност од бегство, влијание врз сведоци и опасност од повторување на кривичното дело. Читать дальше...

Американскиот специјален советник Роберт Мулер кој ги истражува врските меѓу соработници на претседателот Доналд Трамп и руски официјални претставници препорача екс советникот за национална безбедност Мајкл Флин да не добие затворска казна. Според дописот, Флин дал, како што се наведува, „важна асистенција“, како и информации за врските или координацијата меѓу руската влада и изборниот штаб на Трамп. На Флин овој месец треба да му биде изречена казната.

Британската премиерка Тереза Мај се соочува со напорна работа да ги убеди пратениците во Парламентот во нејзиниот и онака оспорен планза излез на Британија од Европската унија.

Претседателот на Комисијата за надворешна политика во ЕП Дејвид Мекалистер и со европратеникот Кнут Флекенштајн престојуваат во Скопје. Тие како што е најевно, ќе се сретнат со претседателот на Собранието на Република Македонија, Талат Џафери, потпретседателите на Собранието, координаторите на пратеничките групи, пратеници и генералниот секретар на Собранието Цветанка Иванова.

Министрите за надворешни работи и за одбрана на Македонија Никола Димитров и Радмила Шекеринска денеска во Брисел ќе имаат средба со еврокомесарот за проширување Јоханес Хан. Инаку, на вториот ден од работната посета на Брисел, министерот Димитров, на маргините од министерскиот состанок на НАТО, како што е соопштено, оствари повеќе билатерални средби со алтернативниот министер за надворешни работи на Грција, Јоргос Катругалос, министерите за надворешни работи на Унгарија, на Кралството Холандија и на Грузија... Читать дальше...

Поранешниот директор на УБК, Владимир Атанасовски вечерва е приведен и изведен пред истражен судија на распит по барање на Обвинителството за организиран криминал и корупција. Обвинителката Вилма Русковска побарала мерка притвор за Атанасовски.  Неговото приведување доаѓа откако Атанасовски заедно со поранешниот началник на петтата управа Никола Бошковски и советникот на претседателот Ѓорѓи Иванов, Синиша Алексоски беа посочени како организатори и наредбодавци за насилството во Собранието на 27 април... Читать дальше...