Новости за 24.12.2018

Американскиот претседател Доналд Трамп изјави вчера дека привремен министер за одбрана наместо Џејмс Матис од 1 јануари ќе биде Патрик Шенехен, кој му беше помошник на Матис. „Задоволство ми е да ви соопштам дека нашиот многу талентиран помошник министер за одбрана Патрик Шенехен ќе биде на местото привремен министер за одбрана од 1 јануари 2019 година“, напиша Трамп на Твитер. Матис кој во четвртокот поднесе оставка, требаше до крајот на февруари да ја извршува функцијата до наименувањето нов министер.

Во Македонија ќе биде променливо облачно со сончеви периоди, кон крајот на денот се очекува нов влажен бран со врнежи од дожд, а на планините од снег. Ќе дува слаб до умерен југозападен ветер, повремено ќе се засилува. Утринската температура ќе се движи од минус четири до три, а дневната од пет до 15 степени. Во Скопје и околината слично време со утринска температура околу минус два, а дневната до пет степени.