Новости за 12.02.2019

Вицепремиерот задолжен за европски прашања, Бујар Османи, денеска имаше средба со амбасадорот на САД, Џес Бејли, по повод завршувањето на неговиот мандат. „САД не се само стратегиски партнер на Република Македонија, туку и најважен пријател со чие присуство и активно учество се остварени најважните успеси на земјава од нејзината независност“, истакна Османи на средбата, упатувајќи лична благодарност до амбасадорот Бејли за неговиот личен ангажман, заложба и поддршка за земјава. „Со вашите активности оставивте неизбришлива трага... Читать дальше...

На свечена церемонија, денеска пред Владата на Република Македонија, беше кренато знамето на НАТО. „Денеска го креваме знамето на НАТО, што заедно со европското и со нашето, ја одредува иднината, не само нашата и на нашите поколенија. Тоа не е само симболика, туку реалност. Тоа е нова страница во нашата историја“, рече премиерот Заев на церемонијата пред Владата по повод кревањето на знамето на НАТО. Тој истакна дека денес со сигурност кажуваме дека нашата татковина е на вистински пат кон прогресот и непречен развој. Читать дальше...

Претседателот на Социјалдемократската партија на Црна Гора, Ранко Кривокапиќ упатил до норвешкиот Нобелов институт формална номинација за оваа година Нобеловата награда за мир да им се додели на премиерите на Македонија и Грција, Зоран Заев и Алексис Ципрас, поради Договорот од Преспа со кој се реши стариот спор меѓу двете земји. „Со овој историски договор, не само што е затворено прашањето кое ја блокираше европската и евроатлантската иднина на Македонија долги 27 години, ами ствараше и јаз меѓу двете соседни држави“... Читать дальше...

Tурските власти денеска издадоа налози за апсење на 1112 лица, осомничени за поврзаност со движењето на исламскиот проповедник Фетулах Ѓулен, кого Анкара го обвинува дека стои зад обидот за државен удар во Турција во 2016 година. Како што јави турската агенција Анадолија, налози за апсење се издадени во рамки на истрагата за наводни измани на испит во 2010 година, со што им е овозможено на полицајци да станат заменици полициски инспектори. Обвинителството тврди дека прашањата пред тестот им биле поделени на следбеници на Ѓулен... Читать дальше...

Македонија има голем број напуштени објекти од фабрики и корпорации, кои заминале во стечај, особено по приватизацијата за време на транзицијата. Оваа појава не е непозната во светот, а дел од државите ги обновуваат овие објекти.

САД не се организатори, ниту финансиери на протестите „1 од 5 милиони“ во Србија, соопшти Амбасадата на САД во Белград, како одговор на тврдењата на белградскиот весник „Информер“, кој пишуваше дека американската Aмбасада стои зад протестите. „Не знаeмe зошто, но „Информер“ одбива да ги објави фактите. Нашата работа е да ја разбереме Србија. Редовните состаноци со политичарите од власта и опозицијата, како и другите ширум Србија, се дел од таа работа. САД не се организатор, ниту финансиер на „1 од 5 милиони“... Читать дальше...

Владата денеска на седница, по барање на Собранието, треба да даде мислење за Предлог-законот за престанување на важење на Законот за трговија на зелени пазари, по итна постапка. Пазарџиите вчера уште еднаш се заканија ако не се прифати нивното барање за укинување на Законот, тие ќе стапат во генерален штрајк на сите зелени пазари. Минатиот месец пратениците изгласаа да се одложи примената на Законот за трговија на зелени пазари за една година. За одложување на законот гласаа 57 пратеници, а 12 беа против. Читать дальше...

Во Србија досега од грип починале 19 лица, бројот на заболени секој ден расте, а според последниот извештај на националниот Институт за јавно здравје „Д-р Милан Јовановиќ Батут“, постои сомнеж дека 85.000 лица се заразени со еден до два изолирани вируси на грип, кои се евидентирани од страна на здравствените служби во регионот. Само на подрачјето на Ниш досега починаа шест лица, а од 32 хоспитализирани пациента 11 се животно загрозени. Само минатата недела, бројот на пријавени случаи изнесувал... Читать дальше...

Со проект кој подразбира изложба и промоција на каталог како плод на двегодишната заедничка работа на Археолошкиот музеј на Македонија, Народен музеј од Белград и Националниот археолошки институт и Музеј од Софија ќе биде одбележана стогодишнината од откривањето на локалитетот Требениште кај Охрид.

Белата куќа ја оцени како „40 години неуспех“ годишнината од победата на исламската револуција во Иран. „Тоа беа 40 години неуспех“, напиша на твитер Џон Болтон, советникот за национална безбедност на американскиот претседател Доналд Трамп. Иран вчера славеше 40 години од формирањето на Исламската република кога беше сменет шахот Реза Пахлави. Тоа се случи на 11 февруари 1979 година, десет дена по враќањето на ајатолах Хомеини, основачот на Исламската република.

Преговарачите во американскиот Конгрес синоќа изјавија дека постигнале договор за финансирање на безбедноста на границите. Тоа би спречило уште едно делумно затворање на владата, до кое може да дојде в саботата.

Премиерот на Косово Рамуш Харадинај изјави дека е непријател оној кој ги доведе под прашање границите на Косово. Тој ова го рече по повод 11 годишнината на Косово во Дечани каде што, како што изјави, почнало прогласувањето на косовската независност. Харадинај повтори дека таксите на производите на Србија и Босна и Херцеговина кои се увезуваат на косово ќе останат во сила се додека Србија не го признае Косово.

Словенечкиот парламент денеска се очекува да го ратификува Протоколот за македонското членство воНАТО. Во рамките на вонредната седница треба да се обрати и македонскиот претседател на Собранието Талат Џафери, кој престојува во посета на Словенија. В четврток Протоколот ќе се најде на пленарна седница на алвбанскиот парламент и се очекува тој да биде изгласан едногласно приемот. И на оваа седница би требало да присуствува Талат Џафери.

Фирмите Ексико, Финзи, Бетон Штип и Фершпед се во центарот на истрагата „Империја“ на СЈО преку кои биле испрани над 10 милиони евра. За прв пат СЈО открива дека Камчев бил краен сопственик на офшор компаниите поврзани со случајот и дека истрагата не запира само на тие фирми.

Американскиот државен секретар Мајк Помпео изјави дека САД мора да бидат поангажирани во Централна и Источна Европа, со оглед на тоа што Русија се обидува да го подели Западот. На првиот ден од неговата турнеја по пет земји во Европа која е фокусирана врз растечкото влијание на Русија и Кина во Централна и Источна Европа Помпео се сретна со унгарскиот премиер Виктор Орбан. Притоа Помпео му ја изразил важноста од промовирањето демократија и владеење на правото.

Знамето на НАТО денеска ќе биде кренато пред зградата на македонската влада. Како што е најавено, на свечената церемонија која ќе почне во 11 часот ќе зборува премиерот Зоран Заев. Атина вчера и официјално го информираше Скопје дека ги ратификуваше Договорот од Преспа и Пристапниот протокол за НАТО.

Во Македонија ќе биде променливо облачно и постудено со повремен локален снеr, особено на запад и претежно претпладне. Ќе дува засилен северен ветер најизразен долж Повардарието и на југозапад. Утринската температура ќе се движи од -2 до 5, а дневната од 0 до 9 степени. Во Скопје и околината слично време со утринска температура околу 2, а дневната ќе достигне до 5 степени.