Новости за 04.03.2019

Поранешниот американски амбасадор во земјава и иден помошен државен секретар за Европа и Азија, Филип Рикер за време на посетата на Скопје порача дека САД остануваат посветени на интеграцијата на Западен Балкан во Европската унија затоа што тоа е во стратешкиот интерес на САД, кои се залагаат за мир, просперитет и стабилност во Европа. Според него, земјите од Западен Балкан треба да работат на унапредување на целите на потранспарентната и одговорна влада, владеење на правото, слобода на медиумите и ангажирано граѓанство. Читать дальше...

Гордана Силјановска-Давкова и Стево Пендаровски се личностите кои власта и опозицијата ги претставија како свои претседателски кандидати. Според дел од аналитичарите, Пендаровски во трката влегува со извесна предност, пред се, поради фактот што е консензуален кандидат

Министерот за поморство на Грција, Фотис Кувелис изјави дека со Договорот од Преспа се отвораат можности за соработка за пристаништето во Солун. „Договорот од Преспа навистина отвора можности за да постои таа соработка со конкретен економски резултат, што многу позитивно го опфаќа целокупното прашање на развој за пристаништето и регионот“, истакна Кувелис, одговарајќи на прашањето на АНА-МПА за перспективите што ги отвора договорот меѓу двете земји.

Американски и руски генерали денеска ќе се сретнат во Виена за да разговараат за ситуацијата во Сирија, каде двете земји заедно со Иран и Турција се воено присутни. Началникот на генералштабот на САД, генералот Џозеф Данфорд и неговиот руски колега Валери Герасимов ќе разговараат и за други прашања кои ги засегаат нивните земји, меѓу кои и безбедносната ситуација во Европа. Американскиот претседател Доналд Трамп во декември најави дека планира да ги повлече силите на земјата од Сирија.

Израелските сили убиле двајца Палестинци, а еден бил повреден и приведен, соопштија властите. Палестинците со автомобил влетале во израелските сили на Западниот брег, при што повреден е еден војник и граничен полицаец. Според властите, првичната истрага покажува дека инцидентот бил терористички акт. Од 2015 година Палестинците убиле 50 Израелци, а израелските сили во истиот период убиле 260 Палестинци.

Најмалку 23 лица, меѓу кои и деца загинале во торнадо кое ја погоди американската сојузна земја Алабама. Локалните власти соопштија дека торнадото предизвикало катастрофални штети на зградите и патиштата. Според нив, биле хоспитализирани и многу луѓе со сериозни повреди. Повеќе од 6000 домови останале без струја, додека во 16 илјади домови во соседна Џорџија имале прекини во снабдувањето со струја. Американскиот претседател Доналд Трамп на Твитер ги повика граѓаните на Алабама и другите реони... Читать дальше...

Кремљ има интерес од нови поделби на Балканот поради три клучни цели, предупредуваат аналитичарите и додаваат дека тоа не само што ќе се одрази на ширењето на НАТО и на ЕУ, туку и на безбедноста на Македонија, БиХ, Црна Гора...

Советникот на американскиот претседател за национална безбедност Џон Болтон оцени дека самитот меѓу Доналд Трамп и севернокорејскиот лидер Ким Џонг Ун бил успешен и покрај непостигнувањето спогодба за денуклеаризација на Северна Кореја. Болтон наведе дека Трамп придонесол за националната безбедност на САД со тоа што не прифатил лоша спогодба со Ким. „Трамп не инсистира на спогодба со никој, ако е во спротивност со американските национални интереси“, изјави Болтон.

Лидерот на опозицијата во Венецуела Хуан Гваидо изјави дека се враќа во земјата и побара од неговите поддржувачи да ги продолжат протестите против оспорениот претседател Николас Мадуро. Тој ги предупреди властите на Венецуела дека секој нивен обид да го уапсат при неговото враќање од Еквадор ќе биде „една од последните грешки“. Гваидо во последниве денови престојуваше во Еквадор како дел од неговата турнеја по Јужна Америка за поддршка на неговите напори да го собори Мадуро.

Во Естонија опозициската либерална Реформска партија постигна победа над владејачката Централно-левичарска партија на премиерот Јуриј Ратас. Ова го покажуваат конечните резултати од изборите одржани вчера, во коиекстремната десница, исто така, доби поголем број гласови. Изборната комисија објави дека прозападната реформска партија освои 28,8 насто од гласовите, освојувајќи 34 места во парламентот од 101 место. Оваа партијата во претходниот парламент имаше 30 места.

Комитетот за правни прашања на Претставничкиот дом на американскиот Конгрес ќе покрене истрага против претседателот Доналд Трамп и неговите соработници поради можна опструкција на правдата, корупција и злоупотреба на овластувањата.

Комитетот за правни прашања на Претставничкиот дом на американскиот Конгрес ќе покрене истрага против претседателот Доналд Трамп и неговите соработници поради можна опострукција на правдата, корупција и злоупотреба на овластувањата. Претседателот на овој Комитет, демократот Џери Надлер изјави дека биле побарани документи од над 60 луѓе од администрацијата на Трамп во рамките на ширењето на истрагата за наводното руско мешање во изборите во 2016 година. Трамп постојано го негира тоа, обвинувајќи ги демократите за „лов на вештерки“.

Филип Рикер, заменик и политички советник на командантот на Европската команда на Воените сили на САД за време на денешната посета на Скопје ќе има средби со премиерот на Република Северна Македонија Зоран Заев и со министерот за надворешни работи Никола Димитров. Филип Рикер се очекува наскоро да биде иден помошник државен секретар на САД за европски и евроазиски прашања.

Во Македонија ќе преовладува стабилно и суво време со мала до умерена локална облачнист и со слаб до умерен ветер, претежно од југозападен правец. Температурата на воздухот ќе биде во постепен пораст. Утринската ќе се движи од -6 до 2, а дневната од 14 до 18 степени. Во Скопје и околината слично време. Утринската температура ќе биде околу -3, а дневната ќе достигне до 16 степени.