Новости за 07.03.2019

Македонија со 26 члена на владиниот кабинет има една од најголемите влади во Европа. Во предизборната програма, СДСМ ветуваше дека ќе го намали бројот на министри на 20, но кога дојде на власт, остана на 26 члена на владата. Сега предлага отворање на ново министерство.

Кандидат за претседателските избори во Авганистан и осум телохранители на друг кандидат се повредени во напад во западниот дел на Кабул за време на церемонијата во чест на истакнат шиитски лидер кој беше убиен од талибанците. Голем број на владини лица и политичари од сите етнички групи во земјата присуствуваа на церемонијата во чест на Абдул Али Мазари кога експлодирале ракети во близина. Меѓу присутните биле и авганистанскиот извршен директор Абдула Абдула, министерот за надворешни работи Салахудин Рабани... Читать дальше...

Министерката за одбрана Радмила Шекеринска во Пентагон имала средба со американскиот секретар за одбрана Патрик Шанахан, на која било потврдено стратешкото партнерство на САД и Северна Македонија. Шекеринска и Шанахан, како што соопшти министерството за одбрана, се согласиле за продлабочување на соработката во одбраната и нејзино подигнување на повисоко ниво. Шанахан упатил честитки за успешното решавање на спорот со Грција и, како што се наведува во соопштението, потенцирал дека тоа претставува модел за решавање на спорови меѓу две држави... Читать дальше...

Американскиот претседател Доналд Трамп изјави дека ќе биде многу разочаран доколку извештаите дека Северна Кореја гради станица за лансирање ракети се точни. Трамп ја даде изјавата една недела по средбата со лидерот на Северна Кореја, Ким Џонг Ун на која не беше постигнат договор за нуклеарните и ракетни програми на Пјонгјанг. Две американски организации и новинската агенција од Јужна Кореја јавија дека се работи на обновување на дел од станицата за лансирање на ракети Соха, која се наоѓа северозападно од Пјонгјанг.

Претседателот на Европскиот совет Доналд Туск по средбата со црногорскиот претседател Мило Ѓукановиќ изјави дека политиката на проширување на ЕУ е приоритет, не само кога е Црна Гора во прашање, туку за целиот регион. Ѓукановиќ и Туск се согласиле дека проблемите со кои се соочува Црна Гора, и целиот регион, се можност за изградба на ефикасни државни институции и владеење на правото, што е „најдобра препорака за напредокот во интеграциите“. Ѓукановиќ го поздрави договорот меѓу Скопје и Атина... Читать дальше...

Владата нема јасен план за намалување на загадувањето од електраните на јаглен, велат еко-организации во услови кога се упатуваат повици до ЕУ од земјите кандидатки за членство да побара итно намалување на емисиите од електраните бидејќи, ја загадуваат скоро цела Европа.

Претседателот на Русија Владимир Путин побара од Федералната служба за безбедност да ја зголеми заштитата на информациите поврзани со новите руски оружја. Во обраќањето пред претставници на таа разузнавачка служба која е наследничка на КГБ, Путин изјавил дека странските шпиони ја интензивирале активноста во Русија. „Благодарение на успешните специјални операции во текот на 2018 година биле запрени активности на 465 странски агенти“, рече Путин.

Обединетите нации соопштија дека околу 11 милиони луѓе во Северна Кореја страдаат од неухранетост и немаат доволно вода за пиење. Во извештајот на специјалниот известувач на ОН за Северна Кореја Тапан Мишра се наведува дека неухранетоста и се заканува на цела генерација на деца. Мишра апелира на зголемена хуманитарна помош за таа земја која е под санкции на ОН и на САД како дел од напорите Пјонгјанг да се откаже од програмата за нуклеарно оружје. Северна Кореја има 24 милиони жители.

Украинското државно обвинителство соопшти дека две лица биле уапсени поради обид да и платат на екс премиерката Јулија Тимошенко за да се откаже од претседателската кандидатура. Се прецизира дека тие и понудиле околу 188.000 долари и оти тоа веднаш било пријавено од Тимошенко. Таа е меѓу тројцата водечки кандидати за изборите на 31 март. Според анкетите, е на второ место пред сегашниот претседател Петро Порошенко, но зад комичарот Володимир Зеленски.

Турскиот претседател Реџеп Таип Ердоган го отфрли барањето на официјален Вашингтон да не го купува рускиот систем за противвоздушна одбрана С-400. „Тоа е веќе завршена работа“, вели тој.

Претседателот на Европскиот совет Доналд Туск за време на состанокот со претседателот на Црна Гора Мило Ѓукановиќ изјави дека протестите се нормални и типични за едно демократско општество. „Тоа не е проблем, тоа е дел од нормалното функционирање на демократските општества“, рече тој, наведувајќи дека на поддржувачите на политиката на проширување на Унијата им се потребни добри аргументи за натамошен напредок на интеграциите.

Собранието на Косово денеска на вонредната седница ќе ја разгледа Платформата за дијалогот со Србија. Седницата, како што изјави претседателот на Собранието Кадри Весели, била закажана на барање на премиерот Рамуш Харадинај. Платформата за продолжување на преговорите со Србија ја изготви преговарачкиот тим формиран од Собранието, а со кој раководат вицепремиерот и лидер на партијата Социјалдемократска иницијатива Фатмир Лимај и градоначалникот на Приштина и лидер на Социјалдемократската партија Шпенд Ахмети. Читать дальше...

Во Македонија ќе биде сончево со мала до умерена облачност и со слаб до умерен ветер претежно од јужен правец. Утринската температура ќе се движи од -1 до 5, а дневната од 12 до 23 степени. Во Скопје и околината слично време. Утринската температура ќе биде околу 3. А дневната ќе достигне до 21 степен.