Новости за 20.03.2019

Претседателите на парламентите на Јадранско-јонската иницијатива на 16-та конференција во Будва усвоија заедничка изјава, во која ја истакнуваат важноста на продолжувањето на парламентарната соработка во регионот за реализација на проектите за поддршка на земјите на Западен Балкан во ЕУ, соопшти Собранието на Република Северна Македонија. Во изјавата се истакнува дека секторот туризам станува се позначаен фактор за економскиот напредок на јадранско-јонскиот регион и се охрабруваат земјите учеснички... Читать дальше...

Американскиот претседател Доналд Трамп повтори дека сите опции се отворени во справувањето со кризата во Венецуела. Тој додаде дека САД би можеле да воведат многу построги санкции против режимот на претседателот Николас Мадуро доколку тоа биде потребно. „Ги повикуваме војниците на Венецуела да престанат да го поддржуваат социјалистичкиот претседател Мадуро“, рече Трамп на заедничката прес конференција во Вашингтон со бразилскиот претседател Жаир Болсонаро. Бразил и САД го поддржуваат опозицискиот... Читать дальше...

Касим Зомарт Токаев ја презема функцијата вршител на должноста претседател на Казхастан, откако Нурсултан Назарбаев се повлече по 30 години владеење. Сепак, се очекува Назрабаев и натаму да има силно влијание врз земјата. 65 годишниот Токаев, поранешен премиер и министер за надворешни работи, а сега претседател на парламнетот ќе биде на таа функција до крајот на сегашниот мандат на 78 годишниот Назарбаев кој му истекува во идната година. САД изразија уверување дека „силните врски“ со Казахстан ќе продолжат и по оставката на Назарбаев.

Германската канцеларка Ангела Меркел изјави дека ќе се бори за „поуреден Брегзит“ до последен момент. Таа наведе дека лидерите на Европската унија ќе се обидат реагираат на она што ќе го предложи Британија. Меркел одби да каже дали ќе го поддржи продолжувањето на рокот за излегување на Британија од Унијата. Тоа, според предвиденото, би требало да се случи за десетина дена со или без спогодба.

Вдовиците од масакрот во Сребреница се надеваат дека Радован Краџиќ до крајот на животот ќе остане во затвор, додека босанските Срби му оддадоа признание со студентски дом со негово име. Хашкиот трибунал денеска со одлука дали ќе ја потврди неговата 40-годишна затворска казна. Караџиќ, поранешниот лидер на босанските Срби и натаму ја дели земјата.

Американскиот претседател Доналд Трамп силно го поддржа бразилскиот претседател Жаир Болсонаро и ја спомна можноста за влегување на Бразил во НАТО. „Имам намера да му дадам на Бразил статус на водечки сојузник кој не член на НАТО или е можно да стане и сојузник кој е член на НАТО“, рече Трамп на прес конференцијата во Вашингтон со претседателот Болсонаро. Со тоа, според Трамп, значително ќе се зголеми безбедноста, како и соработката меѓу двете земји.

По три години жалбeна постапка, Жалбениот совет од механизмот за кривични судови во Хаг денеска треба да ја изрече второстепената пресуда против лидерот на босанските Срби за време на војната во Босна и Херцеговина Радован Караџиќ. Тој во март 2016 година, од Судскиот совет на Хашкиот трибунал беше осуден на 40 години затвор поради геноцид во Сребреница и -злосторства против човештвото во Босна и Херцеговина, во периодот од 1992 до 1995 година.

Во Македонија во утринските часови ќе биде сончево, а во текот на денот променливо облачно. На крајниот југ и југоисток од земјава ќе има локален дожд и ретка појава на грмежи. Ќе дува умерен северен ветер, кој во горниот тек на Повардарието повремено ќе засилува. Утринската температура ќе се движи од 1 до 8, а дневната од 13 до 20 степени. Во Скопје и околината слично време. Утринската температура ќе биде околу 6, а дневната ќе достигне до 19 степени.