Новости за 24.06.2019

Неколку илјади луѓе се собраа веќе четврти ден по ред пред парламентот во Тбилиси, барајќи оставка од министерот за внатрешни работи и промена на изборниот законик. Протестите почнаа поради обраќањето на рускиот пратеник Сергеј Гаврил во рамките на состанокот на меѓупарламентарното собрание за православието. Претседателот на парламнетот Иракли Кобахидзеа поднесе оставка.

Претседателот на Турција Реџеп Таип Ердоган му ја честита победата на кандидатот на опозицијата Екрем Имамоглу на повторените избори за градоначалник на Истанбул. Имамоглу, според неофицијалните резултати, има убедливо водство пред неговиот ривал Бинали Јилдирим од владејачката партија, со 54 насто од гласовите.

Претседателот на Турција Реџеп Таип Ердоган му честита на кандидатот на опозицијата Екрем Имамоглу за победата на повторените избори за градоначалник на Истанбул. Ердоган наведе дека го прифаќа изборниот резултат. На изборите одржани во март исто така победи Имамоглу, но дојде до поништување на изборните резултати. Кандидатот на Ердоган, Бинали Јилдирим го призна поразот, изразувајќи надеж дека Имамоглу ќе им служи на жителите на Истанбул. Овој град за прв пат по 25 години ќе го води партија која не е на власт.

Претседателот на Северна Македонија Стево Пендаровски ќе престојува во официцијална посета на Германија. Тој во Берлин со високи воени почести ќе биде пречекан од германскиот претседател Франк Валтер Штајнмаер по што следува средба меѓу двајцата државници.

Ќе биде променливо облачно со сончеви периоди. Попладне на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со засилен ветер и услови за појава на град. Утринската температура ќе се движи од 11 до 18, а дневната од 22 до 33 степени. Во Скопје и околината слично време. Утринската температура ќе биде околу 18, а дневната ќе достигне до 30 степени.