Новости за 22.09.2019

Поранешниот претседател, Ѓорге Иванов, ја доби тужбата пред Управен суд против Комисијата за спречување на корупција, која отвори прекрошна постапка против него за унапредувањето на генерали пред претседателските избори. Според Управниот суд, Антикорупциска ја донела одлуката без да му овозможи на Иванов да изложи своја одбрана. Освен тоа, според Управниот суд противуставно е да се укине веќе стекнат офицерски или генералски чин. Судот утврди дека тужениот орган при водење на постапката не го... Читать дальше...

Хонгконгшката полиција употреби солзавец во градот Ша Тин за да ги растера демонстрантите кои упаднаа во локалниот трговски центар. Претходно, демонстрантите ја демолираа најблиската железничка станица која е затворена, пренесе „Ројтерс“. Полицијата во Хонгконг денеска зазеде позиции на главната железничка станица на патот кон аеродрдомот, за да ги спречи антивладините демонстранти повторно да го загрозат воздушниот сообраќај, по насилните немири на улиците минатата ноќ. Демонстрантите во Хонг... Читать дальше...

Бродот „Океански Викинг“ на кој има 182 спасени мигранти, плови по меѓународни води меѓу Италија и Малта, чекајќи дозвола од некоја европска земја да се закотви во нејзино пристаниште. На бродот има мигранти од Либија кои биле спасени минатата недела. Во петокот од бродот се симнаа 35 лица кои ги прими Малта. Останатите мигранти меѓу кои има 13 деца помали од 15 години не сакаат да ги примат ниту Малта ниту Италија која бара некоја друга европска земја да ги прими мигрантите.

Властите во северозападниот дел на Полска планираат евакуација на околу 42.000 луѓе откако е пронајдена огромна сеизмичка британска бомба од Втората светска војна, во близина на пристаништето Шчечин. Бомбата „толбој“ тешка 5,5 тони и долга шест метри била пронајдена за време на работа на водовод кој води до Шчечин. Бомбата која имала разорна моќ во домет од 10 километри е најголемата бомба од Втората светска војна пронајдена во Полска, јави „АП“.

Претседателот на Европската комисија Жан Клод Јункер изјави дека гранични контроли ќе бидат поставени на ирската граница доколку Велика Британија ја напушти Европската унија (ЕУ) без договор за излез. Јункерза „Скај њуз“ изјави дека ЕУ мора „да осигури дека се заштитени интересите на ЕУ и на единствениот пазар“. Зачувувањето на моменталниот статус на границата меѓу Ирска, земја членка на ЕУ и Британска Северна Ирска е едно од најкомплицираните прашања во разговорите за Брегзит. Јункер изјави... Читать дальше...

Десет лица загинаа, а 16 се повредени кога камион удри во група луѓе на традиционален саем на југот во Кина, соопшти полицијата. „Камионот слегуваше по ридот кога возачот изгуби контрола во градот Хуаши во провинцијата Хунан“, се вели во полициското соопштение. Возачот е приведен и истрагата е во тек, пренесува „Ројтерс“.

Претседателот на Република Турција Реџеп Таип Ердоган вчера во Истанбул го критикуваше Советот за безбедност на Обединетите нации, порачувајќи дека не се во состојба да го решат израелското прашање, јави агенцијата Анадолија. „Сите подготовки долж границата со Сирија се завршени. САД се наш стратешки партнер, наш партнер во НАТО, веќе долги години го продолжуваме нашето стратешко партнерство. Наша желба не е да сме во ситуација да бидеме против САД. Исто така, го немаме тој луксуз само да ја надгледуваме... Читать дальше...

Високата претставничка на ЕУ за надворешна политика и безбедност, Федерика Могерини денеска во Њујорк ќе се сретне со лидерите од Западен Балкан. Могерини во пресрет на почетокот на Генералното собрание на ОН во Њујорк ќе има работна вечера со лидерите од Западен Балкан, наведуваат од Европската Комисија. Пред почетокот на Генералното собрание на ОН, од Брисел истакнуваат дека ЕУ останува лидер во областа на глобалната соработка, продолжува да ги поддржува мирот и демократијата и да ги промовира меѓународното право и човековите права.

Израелскиот претседател Рувен Ривлин денеска ги почна консултациите со партиите избрани во парламентот за да одлучи кому ќе му ја довери задачата за формирање нова влада. Израелскиот претседател има овластување да избере еден од 120-те членови на парламентот за потенцијален премиер. На изборите на 17 септември, Конзервативната партија „Ликуд“ на премиерот Бенјамин Нетанјаху освои 31 мандат, а нејзиниот главен ривал, Сојузот на партиите на центарот „Сино-бел центар“, на поранешниот началник на штабот Бени Ганц 33 мандати. Читать дальше...

Работните групи на власта и опозицијата утре во Собранието ќе одржат нова средба за законот за јавно обвинителство, потврдија за МИА од Министерството за правда. Според лидерот на опозициската ВМРО-ДПМНЕ Христијан Мицкоски, на СДСМ не му одговара да се донесе законот за јавно обвинителство и го кочи целиот процес, затоа што како што неодамна изјави „СДСМ сака да имплементира правно насилие во пресметката со политичките неистомисленици“. Премиерот Зоран Заев, пак, смета дека работните групи не... Читать дальше...

Ако сега се одржат претседателки избори во Хрватска, актуелната претседателка и кандидатка на ХДЗ Колинда Грабар-Китаровиќ би освоила 28,5 отсто од гласовите, кандидатот на СДП Зоран Милановиќ 24,8, а на трето место е независниот кандидат Мирослав Шкоро со 18,2 проценти од гласовите, покажа анкета на ХРејтинг. Резултатите на ХРејтинг, за која истражување спроведува агенцијата Промоција плус, ги објави Хрватската радио телевизија. Во меѓувреме, поранешниот хрватски премиер Милановиќ вчера ја прекина... Читать дальше...

По двата силни земјотреси, кои вчера после 16 часот ја погодија Албанија, а многу силно се почувствуваа и во Црна Гора, Заводот за сеизмологија на Црна Гора регистрирал повеќе од 60 земјотреси со помала магнитуда, соопшти сеизмологот Марин Чавелиќ. Тој за РТЦГ истакна дека по толку силни земјотреси вообичаена е серија помали, која сигурно ќе трае и наредните денови. „Силен земјотрес се случи и синоќа, седум минути после полноќ. Земјотресот беше со јачина од 4,8 степени според Рихтеровата скала... Читать дальше...

Присуството на странски трупи во регионот на Заливот предизвикува несигурност, изјави денеска иранскиот претседател Хасан Рохани, по објавувањето на САД дека испраќаат засилувања во областа. Говорејќи на отворањето на воената парада во Техеран, Рохани рече дека во наредните денови Иран ќе му претстави на Обединетите нации (ООН) план за соработка меѓу крајбрежните држави за да се гарантира безбедноста на Персискиот Залив, Ормутскиот теснец и Оманското Море. „Вашето присуство секогаш донесе болка и мизерија во регионот“... Читать дальше...

Нова група од 57 американци ќе пристигнат денеска во Северна  Македонија за да служат како волонтери во Мировен корпус. Тие ќе го споделат своето знаење и искуство волонтирајќи во училишта и организации низ државата. За време на нивниот двогодишен престој во Северна Македонија, волонтерите ќе работат како наставници по англиски јазик во училиштата, дефектолози во дневните центри за лица со посебни потреби, како и во областа на развојот на заедниците во невладини организации и општини. Мировниот... Читать дальше...

Најмалку 105 лица се повредени во земјотресот што вчера ја погоди територијата на Албанија. Ова го потврдуваат првичните податоци објавени на вонредната владина седница одржана на полноќ. Земјотресот оштетил повеќе од 290 домови , а пукнатини се појавиле на 20 станбени згради, пренесува АТА. Поради земјотресот, албанскиот премиер Еди Рама го откажа патувањето на Генералното собрание на ОН во Њујорк. По првиот земјотрес со јачина од 5,8 степени според Рихтер, уште еден силен земјотрес ја погоди областа на Албанија околу полноќ... Читать дальше...

Праксата на констатација дека е злоупотреба од страна на пратениците е веќе осуда. Секој кој што има дилема дека во нешто има злоупотреби има соодветна институција која треба тоа да го потврди, вели претседателот на Собранието, Талат Џафери, во неделното интервју за Радио Слободна Европа. Тој вели дека до него нема индиции дека има злоупотреби на патните трошоци од страна на пратениците.

Пленарна седница за Законот за јавно обвинителство ќе свикам кога ќе го добијам извештајот од комисијата каде што е во второ читање, вели спикерот Талат Џафери. Тој не ја исклучува можноста, поради различните ставови на власта и опозицијата, да не се обезбеди двотретинско мнозинство

Времето денеска ќе биде претежно сончево со слаб до умерен јужен ветер. Утринската температура се движи од минус еден додевет, адневната од 18 до 26 степени. Во Скопје, сончево со слаб до умерен јужен ветер. Утринската температурасе спушти до пет, а дневната ќе се искачи до 25 степени. Во понеделник попладне и во вторник времето ќе биде променливо облачно со повремени врнежи од дожд и локална појава на грмежи.