Новости за 25.09.2019

Пет лица во полицискиот автобус се повредени во денешната  експлозија на бомба покрај патот во јужната турска провинција Адана, јавуваат државните медиуми Гувернерот на провинцијата Махмут Демиртас за новинската агенција „Анадолу“ изјави дека експлозијата е предизвикана или од „импровизирана експлозивна направа или од друг вид бомба“. Еден од повредените е полицаец, рече Демиртас, но никој од повредените не се здобил со сериозни повреди. Полициски извори соопштија дека брзата помош ги однела повредените во болниците. Читать дальше...

Претседателот Хасан Рохани на Генералното собрание на ООН  рече дека Иран нема да преговара за својата нуклеарна програма сè додека остане под санкции и ги обвини САД за „безмилосен економски тероризам“. Рохани им кажа на светските лидери во Њујорк дека Соединетите држави „вложиле многу напори“ да го „лишат Иран од учество во меѓународната економија, нарекувајќи го тоа „меѓународно пиратство“. Соединетите држави минатата година се повлекоа од меѓународниот договор во 2015 година меѓу Иран и светските сили, за иранските нуклеарни активности.

Билетите за претставите од домашните театарски куќи главно се продадени уште првиот ден, а состојбата е таква и со странските. Најголем интерес има за српските претстави.

"Забрзаната европска интеграција на Западен Балкан ќе придонесе кон зголемена доверба меѓу соседите и предвидливост во регионалните случувања" изјави шефот на дипломатијата Никола Димитров на работниот појадок на министрите за надворешни работи од земјите од Процесот за соработка во Југоисточна Европа, во организација на Косово, за време на Генералната дебата на 74-тата сесија Генерално собрание на ОН. Димитров, како што соопшти МНР, зборуваше за зајакнување на регионалната соработка. "Пред нас... Читать дальше...

Белата куќа денеска објави детали од телефонскиот разговор на 25 јули меѓу претседателот Доналд Трамп и неговиот украински колега Володимир Зеленски,. Разговорот покажува дека американскиот лидер побарал од Украина да го истражи  поранешниот потпретседател и актуелен демократски политички ривал Џо Бајден чиј син работел во украинска анфтена компанија. Разговорот стана главна тема во јавноста откако американските медиуми објавија дека свиркач од разузнавањето поднел пријава против Трамп, вознемирен... Читать дальше...

Со идеја да говори за пропустите, за комичното и грдото, но и да ја види скриената убавина на градот и да ја препознае неговата историја, од 13 до 27 септември, во галерија „Акантус“ се претставува францускиот уметник Пол Гунон. Изложбата речовито е насловена „... по која цена“.

Загрозената животна средина и економските кризи како најголемите закани и предизвици за глобалниот просперитет се централните теми на годинешниот, трет Глобален бизнис форум „Блумберг“, што се одржа на Генералното собрание на Обединетите Нации во Њујорк, a на кој присуствуваа шефови на држави и влади. Премиерот Зоран Заев и дел од делегацијата на Владата, министерот за здравство Венко Филипче и министерот за животна средина и просторно планирање Насер Нуредини, учествуваа на форумот на кој беа... Читать дальше...

Првоосомничениот во случајот „Рекет“, Бојан Јовановски - Боки 13 денеска четири часа помина во Обвинителството за организиран криминал и корупција каде вршеше увид во доказите против него со кои располага обвинителката Вилма Рускоска. Неговиот адвокат, Сашо Дуковски, рече дека доказниот материјал не е обемен, ниту по квалитет ниту по квантитет и оти увидот ќе продолжи и следните денови. Тој потврди дека видео и аудио снимките кои ги виде јавноста, се дел од доказниот материјал. Адвокатот додаде дека не видел искази на политичари... Читать дальше...

Украинскиот претседател Володимир Зеленски на вториот ден од годинешното Генерално собрание на ООН,  во својот говор ги предупреди светските лидери дека нема да се чувствуваат безбедно сè додека Русија води војна „во центарот на Европа“. Во еден глобализиран свет “ не постои туѓа војна “, рече Зеленски во своето првото обраќање пред светското тело. „Секој лидер ја дели одговорноста за судбината не само за својата земја, туку и за целиот свет. Москва продолжува да ги поддржува сепаратистите во... Читать дальше...

Рускиот претседател Владимир Путин денеска во Москва му беше домаќин на Николас Мадуро, демонстрирајќи поддршка за претседателот на Венецуела во услови сложена ситуација во таа земја, објавија светските новински агенции. Путин и Мадуро разговараа за „клучни меѓународни и регионални теми во контекст на сложената ситуација во врска со Венецуела“, соопшти Кремљ. Путин исто така рече дека Русија го поддржува дијалогот влада-опозиција за изнаоѓање политичко решение за кризата, се додава во соопштението.

Српската вицепремиерка Зорана Михајловиќ апелираше денес до сите земји од Западен Балкан да создадат стратегија за заеднички економски развој на овие земји. Како што јави дописникот на МИА од Белград, Михајловиќ додаде дека ова ќе биде една од темите на разговорите со лидерите на Северна Македонија и Албанија, Зоран Заев и Еди Рама на почетокот на октомври во Белград, иницирана од српскиот претседател Александар Вучиќ на темата за формирање на таканаречениот Мал Шенген. „Секоја од земјите од Западен... Читать дальше...

Иран нуди согласност за зајакнати инспекции на својата нуклеарна програма, доколку американскиот Конгрес го ратификува нуклеарниот договор од 2015 година и Вашингтон ги укине сите санкции за Иран, објави денеска иранската телевизија на англиски јазик ПресТВ, пренесоа светските новински агенции. „Предложената иранска измена на нуклеарниот договор бара рано одобрување на дополнителен протокол од страна на иранскиот Парламент, одобрување на нуклеарниот договор од страна на американскиот Конгрес, укинување на сите санкции од страна на Вашингтон“... Читать дальше...

Здружението на новинари на македонија денеска реагираше по поднесувањето на обвинението од ОЈО до новинарот на порталот Инфомакс, кој ја објави првата страница од записник поврзан со случајот „Рекет“, што според ОЈО е оддавање државна тајна и е кривично дело. „Начинот и леснотијата со кои Обвинителството за гонење на организиран криминал и корупција поднесе обвинителен акт за оддавање службена тајна во предистрага против Александар Митовски од порталот Инфомакс отвора сомнежи за нетранспарентност и селективност во постапката. Читать дальше...

Германскиот амбасадор Томас Герберих е оптимист дека на Самитот на Европската Унија во октомври ќе биде донесена позитивна одлука за почеток на претпристапните преговори на нашата држава со ЕУ. „Сите ја чекаме оваа одлука на Советот на ЕУ и навистина сум повеќе од оптимист дека тоа ќе биде јасно гласање за започнување на преговорите за членство во ЕУ. И покрај сите тешкотии и сите недостатоци што се уште опстојуваат, Северна Македонија создаде успешна приказна на Западниот Балкан, особено во однос на тоа регионот да стане меѓусебно поблизок.

Израелската полиција денеска соопшти дека уапсила палестински министер задолжен за Ерусалим поради политичка активност во источниот дел на градот, пренесоа светските новински агенции. Министерот Фади ал-Хадами е обвинет за кршење на закон со кој се забранува палестинската власт со седиште во Западниот Брег да има политичка активност во Ерусалим. Портпаролот на полицијата, Мики Розенфелд изјави дека Ал Хадами бил приведен рано утрово. Ал Хадами беше уапсен по истите обвиненија и во јуни. За истиот прекршок е обвинет и гувернерот на Ерусалим... Читать дальше...

Денеска го потпишуваме договорот со еден од најреномираните светски производители на автобуси „МАН“ за набавка на новите автобуси кои ќе бидат во Скопје најдоцна за седум месеци од денот на потпишувањето на овој договор. Скопје ќе добие нови 33 еколошки автобуси со погон на гас кои ќе бидат дел од возниот парк на Јавното сообраќајно претпријатие „Скопје“, соопшти денеска скопскиот градоначалник Петре Шилегов. Договорот го потпишаа скопскиот градоначалник Петре Шилегов, директорот на компанијата „Ауто Хрватска“... Читать дальше...

Со усвојувањето на Предлог Законот за стечајци, што синоќа помина на владина седница, вкупно 12.000 стечајни работници ќе добиваат по 8.200 денари до нивното пензионирање. „Досега со овој закон обесштетени се 11.000 стечајни работници кои добиваат месечен надоместок од околу 8.200 денари до нивно пензионирање. Со новите измени, вкупниот број на опфатени стечајни работници со оваа мерка ќе биде 12.000“, информираше пратеничката на СДСМ, Јагода Шахпаска.

Францускиот амбасадор во Скопје, Кристијан Тимоние, денеска изјави дека Франција се уште не одлучила како ќе се изјасни за отпочнување на преговорите на Република Северна Македонија со ЕУ и дека за неа е многу важно владеењето на правото, а одлучувачки ќе биде генералниот пристап за проширувањето на ЕУ кон Западен Балкан. Тој потенцира дека случајот „Рекет“ треба да се разгледува реално и да се стави крај на неказнувањето на политичката елита и на едната и на друга страна. „Се разбира дека... Читать дальше...

Сè поголеми се изгледите Македонија да почне преговори со ЕУ. Како плус на наша страна може да се земат договорите со Бугарија и со Грција, а настаните околу СЈО оставаат прашалници, коментираат познавачи. За датум, клучен, сепак останува, ставот на Франција.

Министерката за правда Рената Дескоска денеска истакна дека не е голем оптимист оти ќе се најде заеднички јазик околу изборниот модел што би бил најсоодветен за Република Северна Македонија, со оглед на широкиот спектрум на различни предлози на политичките партии. А Изборен законик, додаде таа не се менува без консензус. На политичката сцена има целосно спротивставени мислења за тоа каков треба да биде изборниот модел, истакна Дескоска пред почетокот на завршната конференција на проектот „Правна... Читать дальше...

Откако завчера одби да даде исказ во Обвинителството за случајот „Рекет“, без да ги види доказите против него, првоосомничението Бојан Јовановски - Боки 13, денеска беше спроведен од истражниот зaтвор во Шуто Оризари во Обвинителството за организиран криминал и корупција, за да направи увид во доказниот материјал. Вчера и третоосомничената во случајот „Рекет“, поранешната специјална јавна обвинителка Катица Јанева, исто така побара да направи увид во доказите, па потоа да го искористи правото да даде исказ. Читать дальше...

Изјавата на разузнавачот Зоран Верушевски во предметот „Тврдина-Таргет“, за модификацијата и компромитирање на бомбите, нема да влијае врз постапките што ги водеше СЈО, а кои сега продолжуваат во редовното обвинителство, изјави денеска обвинителката Фатиме Фетаи, пред почетокот на новото рочиште за предметот „Насилство во Центар“. „Прислушуваните материјали како доказ се признати и поткрепени со материјални и вербални докази. Изјавата на сведокот Верушевски нема да влијае на автентичноста на овие докази... Читать дальше...

Американскиот државен секретар Мајк Помпео треба да ја посети Црна Гора следната недела, објавија подгорички Вијести. Весникот наведува дека шефот на Стејт департментот и еден од најблиските соработници на американскиот претседател Доналд Трамп треба да пристигнат во Скопје на почетокот на октомври, а потоа да оствари официјална посета на Црна Гора, пренесе МИА. Американската амбасада во Подгорица не го потврди ниту негираше пристигнувањето на висок американски претставник или на Стејт департментот. Читать дальше...

Научната јавност предупредува дека нашата земја климатските промени ќе ги почувствува преку недостиг на вода и биодиверзитетот во водите. Според некои проценки, тоа би се случило за десеттина година. Упатените апелираат ублажувањето на климатските промени да и биде приоритет на владата.

Шведската активистка против климатските промени Грета Тунберг е една од добитничките на „алтернативен Нобел“, наградата „Рајт Лајвлихуд“, објави новинската агенција Асошиејтед прес. Шеснаесетгодишната Швеѓанка ја доби наградата за нејзините „инспиративни барања“ за итно дејствување против климатските промени, засновани на научни факти, наведуваат од Фондацијата која ја доделува наградата. Тие исто така велат дека примерот на Грета, која е номинирана и за Нобелова награда, покажува дека секој има моќ да донесе промени, пренесува АП. Читать дальше...