Новости за 26.12.2019

Најмалку седум луѓе загинаа денеска откако мал брод со мигранти од Пакистан, Бангладеш и Авганистан се преврте и потона во езерото Ван, во источна Турција. Гувернерот на турската провинција Битлис изјави дека се спасени 64 луѓе и се пренесени во болница. Бротчето потонало додека се приближувало кон северниот брег на езерото. Несреќата се случила три часа по полноќ по локално време.

Подрачјата на Австралија кои се опустошени од пожари, вчера беа зафатени со врнежи од дожд, но се очекува дека условите за нови пожари, високите температури и силниот ветер, ќе се вратат во текот на претстојниот викенд. Во изминативе неколку месеци во Австралија изгореа околу пет милиони хектари растенија при што загинаа девет луѓе, додека над 950 куќи биле уништени.

Рускиот опозициски лидер Алексеј Навални ги обвини властите на Русија дека му го киднапирале неговиот соработник, активистот Руслан Шавединов и го испратиле на служење на воен рок во една база во регионот на Северниот пол. Шавединов во понеделникот бил уапсен во неговиот дом во Москва и со авион бил префрлен на архипелагот Нова земја на Арктичкиот океан, одалечен 5.600 километри од Москва. Според Навални - најголемиот противник на рускиот претседател Владимир Путин, Шавединов бил ослободен од воен... Читать дальше...

Италијанскиот министер за образование Лоренцо Фиорамонти поднесе оставка поради тоа што не добил доволно пари од владата за подобрување на состојбата на училиштата и факултатети во земјата. Тој бараше дополнителни 3 милијарди евра, но тие не беа предвидени со буџетот за наредната година кој помина во италијанскиот парламент. Фиорамонти предлагаше зголемување на даноците за авиобилети, пластични производи и шеќер, но тоа беше отфрлено од неговите опоненти со образложение дека Италијанците веќе плаќаат доволно даноци.

Бранот масовни протести и натаму го потресува Ирак. Но тоа придонесе и за почести терористички напади во повеќе делови од земјата, велат ирачките власти.

За денеска во 15 часот е најавена конститутивна седница на косовскиот парламент. Ова претходно беше потврдено од претседателот на заминување на косовскиот парламент Кадри Весели. Весели кој е претседател на Демократската партија на Косово рече дека неговата партија ќе остане во опозиција и вети дека ќе работи во одбрана на правата на граѓаните во парламентот. Косово одржа предвремени избори на 6 октомври откако Рамуш Харадинај поднесе оставка на премиер. Поранешните опозициски партии Самоопределување... Читать дальше...

Бегајќи од ракета истрелана од Појасот Газа, премиерот на Израел Бенјамин Нетанјаху ја напуштил говорницата во текот на предизборниот собир во градот Ашкелон. Војската соопшти дека нејзиниот систем за против воздушна одбрана ја пресретнал ракетата. Ниту една палестинска организација не ја презеде одгворноста за овој напад. Спорадичното лансирање ракети и одмаздите на Израел на ваквите напади се чести и покрај прекинот на огнот со помош на Египет со што во ноември беа окончани дводневните борби меѓу палестинските групи и Израел.

Ќе биде променливо облачно и постудено време со сончеви периоди. Ќе дува умерен до засилен, а вдолж Повардарието повремено силен северен ветер. Во северните делови на повисоките места и на планините ќе има услови за повремен снег. Утринската температура ќе биде од минус три до пет, а дневната од два до 11 степени. Во Скопје и околината слично време. Утринската температура ќе биде околу два, а дневната ќе достигне до осум степени.