Новости за 13.12.2023

Без уставни измени и со критиките во последниот извештај за Северна Македонија во однос на владеењето на правото и корупцијата, извесни се пораките од претстојниот Самит на ЕУ. Албанија веројатно нема да се одвои од Северна Македонија и нема да добие конкретен датум за отворање на поглавјата.

Нецели два месеца по серијата истражувања на РСЕ за Државна лотарија, Управата за Финансиска полиција не открива – со каква динамика се движи предистрагата и дали евентуално е проширена кон нови лица и компании кои склучувале договори преку јавни набавки со акционерското друштво.

Руски специјалци извршија рација во ЛГБТ клуб во Екатеринбург помалку од две недели откако рускиот Врховен суд ги забрани активностите на „меѓународното ЛГБТ движење“ . Десетици посетители беа приведени додека полицијата ги земаше нивните лични податоци. Слични рации беа извршени во московските клубови на почетокот на декември, додека најстариот геј клуб во Санкт Петербург ги затвори вратите.

„Моторот е слобода, тоа е една пасија. Меѓутоа тоа е сериозен ангажман, пред се од безбедносен аспект, од култура на однесување. Сепак, моторите и моторџиите се учесници во сообраќајот и треба да се има вистински однос од моторџиите кон другите и обратно. Се разбира има правила, прописи кои треба да се почитуваат, има кодекси на однесување кои не се пишани во правилата но треба да се почитуваат во името на безбедноста за да се намали ризикот“, вели во ова издание на поткастот Зошто Драган Малиновски