Асанж претрпел психичка тортура, тврди специјален известувач на ОН
„Асанж намерно бил изложен во период од неколку години на прогресивни и тешки форми на суровост, нечовечки и понижувачки третман или казна“, истакна Мелцер.
Асанж беше уапсен на 11 април, откако седум години помина во азил во амбасадата на Еквадор во Лондон. САД бараат негова екстрадиција врз основа на обвинувањата за објавување на класифицирани документи.
„Од 2010 година имаше немилосрдна кампања на јавен мобинг, заплашување и клевета против Асанж, не само во САД, туку и во Обединетото Кралство, Шведска и во последно време Еквадор, посочи Мелцер.
Сослушувањето за екстрадиција на Асанж е одложено за 12 јуни, бидејќи тој е префрлен во затворската болница.