ЕУ неволна и понатаму да го одложува Брегзит
Излегувањето на Велика Британија од ЕУ, првично планирано за 29 март, беше одложено откако британскиот парламент го отфрли договорот за излегување кој го потпиша премиерката Тереза Меј со Брисел. Новиот датум за Брегзит е 31 октомври.
Меј минатиот месец поднесе оставка, а нејзините потенцијални наследници, Борис Џонсон и Џереми Хант, ветуваат дека ќе ја изнесат Британија од ЕУ, со или без договор.
Мнозинството економисти тврдат дека Брегзит без договор би ја довел земјата во рецесија.