СНП е подготвена да ја напушти српската влада
![СНП е подготвена да ја напушти српската влада](https://gdb.rferl.org/9BEED9B5-59A6-496C-AC51-0E89ADB82B0F_w800_h450.jpg)
Српската народна партија (СНП) на чие чело е министерот Ненад Поповиќ изјави дека е подготвена да не е дел од српската влада, ако, како што го снаведуваат, "некому му пречи што ги бранат Косово и српскиот устав", и што сакаат да "ги зајакнат пријателските односи со Русија и Кина".
"Нека го сменат министерот (Ненад) Поповиќ и нека им кажат на граѓаните дека го смениле, бидејќи се залагал за почитување на Уставот и Резолуцијата 1244 на Косово", соопштија од СНП, партијата предводена од министерот за иновации Поповиќ.
Српската премиерка Ана Брнабиќ вчера реагираше на тврдењата на Поповиќ дека договорот со Брисел е "мртов" и дека "нема повеќе европската интеграција на Србија", истакнувајќи дека неговото тврдење е во директна спротивност со ставот на Владата на која е член и изјавидека секој министер е обврзан да ја спроведе заеднички договорената политика, а оние кои "не се способни да го сторат тоа, можат слободно да заминат".