Или сменете си ги позициите или си одиме без договор, ѝ порача Џонсон на ЕУ
Новиот британски премиер Борис Џонсон им порача на лидерите на ЕУ дека ќе разговара за Брегзит кога тие ќе покажат дека се подготвени да ја сменат својата позиција за договорот за излез на Британија од Унијата, а дека во спротивно ќе го напушти европскиот блок без никаков договор, изјави портпаролката на Џонсон.
„Премиерот е расположен да седне и да разговара кога ќе се смени позицијата“, рече портпаролката.
Џонсон претходно изјави дека ЕУ мора да отстапи од таканаречениот „бекстоп“, односно заштитен механизам, што значи дека Северна Ирска останува во царинска унија со Британија ако не се најдат други решенија. Според него, „бекстоп“ е недемократски и мора да се отстапи од него доколку Европската унија сака да се постигне договор за Брегзит.