Во Сараево прва Парада на Гордоста

Стотици активисти на ЛГБТИ заедницата и поддржувачи маршираат низ Сараево, босанскиот главен град кој е домаќин на својата прва Парада на гордоста.

Активистите носат знамиња со бои на виножито и транспаренти на кои пишува „Обединети во разликите“.

Сараево се обиде да одржи ЛГБТ настани во минатото, вклучително и филмски фестивал во 2014 година, но тие беа нарушени од противниците за геј права.

Локалните медиуми објавија дека повеќе од 1.000 учесници се приклучиле на маршот, а  оти има и еднаков број полицајци кои ја обезбедуваат парадата.

Учесниците на контра пртоестот што се одржа претходно денеска, порачаа дека јавното искажување на сексуалната ориентација не е во духот на традицијата на Бошњаците и дека нивната  вера се противи на тоа.