Продолжен притворот на Катица Јанева
Кривичниот суд ѝ го продолжи притворот на поранешната специјална јавна обвинителка Катица Јанева за уште 30 дена. Таа се наоѓа во притвор во истражниот затвор Скопје и сегашната мерка притвор и истекува в петок.
„Кривичниот совет при Основниот кривичен суд Скопје, постапувајќи по предлог на Основното јавно обвинителство за гонење организиран криминал и корупција за продолжување на мерката притвор определена со решение на судија на претходна постапка од 21.08.2019 година за К.Ј., по разгледување и ценење на предлогот, донесе решение со кое го уважи предлогот и ја продолжи мерката притвор за нови 30 дена заради постоење на основите од член 165 ст.1 т.1 и 2 од ЗКП“, стои во соопштението на Кривичниот суд.
Адвокаткат на Јанева, Ирена Фрчковска, вчера до Судот поднесе барање за укинување на мерката притвор за поранешната специјална јавна обвинителка.