ССНМ: Згаснувањето на „Независен“ потрес за медиумскиот сектор
„По потврдата од менаџментот дека весникот „Независен“ утре нема да излезе,ССНМ со жалење констатира дека тоа значи останување без работа на повеќе од 20 новинари и медиумски работници, со што уште повеќе се продлабочува и онака лошата социјално-економска состојба на новинарите во Македонија“,е наведено во соопштението на ССНМ.
Во продолжение е наведено дека останувањето на новинари и медиумски работници без работа, значи потрес за медиумскиот сектор во земјава каде се зголемува понудата на работна сила, а се намалува побарувачката што за новинарите значи помала сигурност и поголем притисок.