Европскиот совет го одобри буџетот на ЕУ за 2020 година

Европскиот совет го одобри договорот постигнат со Европскиот парламент за буџетот на Европската унија за 2020 година. Ако договорот повторно биде потврден во парламентот на 27 ноември тој ќе биде и усвоен. Буџетот за идната година предвидува продолжување на поддршката на раст и конкурентност на европската економија како и продолжување на приоритети на ЕУ како безбедносна и менаџирањето на миграцијата, се наведува во соопштението на Европскиот совет. 21 отсто од буџетот, пак, ќе бидат насочени за мерки поврзани со климатските промени во области како истражување и развој, транспор и енергетска инфраструктура и надворешни акции на ЕУ. Буџетот на унија за идната година изнесува 153,6 милијарди евра.