САД и ЕУ со санкции за Русија поради Навални

Соединетите држави и Европската унија објавија координирани санкции против руски официјални лица во врска со труењето на опозицискиот лидер Алексеј Навални.

Вашингтон денеска соопшти дека санкцииите се насочени кон седум високи руски функционери откако разузнавачите заклучиле „со голема доверба“ дека офицери од Руската федерална служба за безбедност (ФСБ) стојат зад труењето со нервен агенс на Навални во август.

Експерти на ОН бараат меѓународна истрага за Навални

САД соопштија дека ќе ги објават имињата на седумте лица подоцна во текот на денот.

Официјални лица од администрацијата на претседателот Џо Бајден изјавија дека Вашингтон воведува и ограничувања на извозот на 14 субјекти вклучени во биолошко и хемиско производство.

„Ние ги користиме нашите овластување да испратиме јасен сигнал дека употребата на хемиско оружје од Русија претставува кршење на нејзините меѓународни заложби за човекови права и има сериозни последици“, рече висок службеник на администрацијата за време на денешниот брифинг.