Нови 333 случаи на ковид-19, 268 оздравени и 10 починати
Регистрирани се 333 нови случаи на ковид-19 од направени 2.259 тестирања, соопшти Министерството за здравство согласно податоците од Институтот за јавно здравје.
Во Скопје има 182 нови случаи, Кавадарци – 22, Куманово и Охрид – по 20, Тетово – 15, Битола – 11, Прилеп – 9, Неготино – 8, Велес и Ресен – по 7, Гостивар – 6, Гевгелија – 4, Струмица – 3, Струга, Кичево, Свети Николе, Крива Паланка и Кратово – по 2, Штип, Кочани, Дебар, Радовиш, Берово, Виница, Богданци, Демир Хисар и Македонски Брод – по 1.
Регистрирани се 268 оздравени пациенти. Пријавени се вкупно 10 починати лица. Починати се по 3 пациенти од Скопје (85г,70г,70г) 2 пациенти од Кавадарци (90г, 59г) и по 1 пациент од Штип (47г), Велес (59г), Кочани (79г), Куманово (82г), и Охрид (68г). Девет пациенти се починати во болнички услови, еден пациент во домашни услови.
Досега во земјата се направени вкупно 543.254 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 107.163, бројката на оздравени пациенти е 94.729, на починати е 3.195, а бројот на активни случаи изнесува 9.239.
Пристигна првата пратка од руските вакцини
Во земјава во последните три недели расте бројот на новозаразени, пред се поради таканаречениот британски сој на вирусот кој е позаразен, велат здравствените власти.