Турција планира до есен да вакцинира 50 милиони луѓе

Турција планира до есен да вакцинира 50 милиони луѓе против ковид-19 за да го спречи ширењето на коронавирусот, соопшти денеска министерот за здравство Фахретин Коџа, ден откако беше регистриран најголемиот дневен број на нови инфекции оваа година.


Државата со 83 милиони жители вакцинирала 10,56 милиони од нив од 14 јануари, кога започна употребата на кинеската вакцина Синовак.



Во светот расте интересот за руски и кинески вакцини


„Ако вакцинираме 50 милиони луѓе како што беше планирано до есен, пандемијата повеќе нема да претставува проблем за нас“, нагласи Коџа во телевизиско интервју по повод годишнината од првиот случај на заразен со Ковид-19 во Турција.


Во државата досега има 2,82 милиони заразени и повеќе од 29 илјади смртни случаи од ковид-19.