Починати 25, заболени 642, а оздравени 524 пациенти од корона
![Починати 25, заболени 642, а оздравени 524 пациенти од корона](https://gdb.rferl.org/BA2C5C2C-DF48-4F2C-BF99-C08869DB98A7_w800_h450.jpg)
Во последните 24 часа се направени 2.730 тестирања, а регистрирани се 642 нови случаи на ковид-19, соопшти Министерството за здравство согласно податоците од Институтот за јавно здравје. Регистрирани се 524 оздравени пациенти.
Пријавени се вкупно 25 починати лица, на возраст од 61 до 91 година и тоа: 5 пациенти од Скопје, 3 од Тетово, по 2 лица од Прилеп, Гостивар и Кавадарци и по едно починато лице е пријавено од Штип, Велес, Охрид, Струга, Кочани, Неготино, Гевгелија, Крива Паланка, Пробиштип, Валандово и Кратово. Сите пријавени се починати во болнички услови.
Во болниците од ковид се лекуваат 1329 пациенти
Досега во земјата се направени вкупно 590.276 тестирања на Ковид-19. Вкупната бројка на ковид-дијагностицирани лица во земјата од почетокот на епидемијата изнесува 119.378, бројката на оздравени пациенти е 100.774, на починати е 3.473, а бројот на активни случаи изнесува 15.131.