„Синофарм“ ја разгледува можноста за вакцинирање со трета доза
Кинеската национална фармацевтска група „Синофарм“ ќе мора да ги испита резултатите од третата фаза на клиничкото испитување во странство, со цел да одлучи дали двојната доза од нивната вакцина против коронавирусот треба да биде придружена со уште една ревакцинација, изјави денеска директорот на компанијата.
Како што пренесува Ројтерс, регулаторите и производителите на вакцини ја испитуваат оваа можност поради загриженост дека новите видови на коронавирус можат да ја ослабнат заштитата создадена од вакцината, која е направена од оригиналните соеви.
Според резултатите од клиничките испитувања, антителата што ги создава кинеската вакцина траат околу шест месеци, изјави Женг Јунтао - потпретседател на ЦНБГ, филијала на Синофарм.
„Прелиминарните резултати досега покажаа дека дополнителната ревакцинација може да го зголеми бројот на антитела и истовремено да ја подобри способноста на вакцината да се одбрани од мутациите на вирусот.“, Рече Јунтао на прес-конференција.
Кина планира да вакцинира 80 отсто од населението до крајот на годината
Антителата создадени со двојната доза на вакцина „Синофарм“ имаат „многу добар“ неутрализирачки ефект врз британските и јужноафриканските соеви на вирусот, додаде тој, повикувајќи се на резултатите од лабораториските тестови за кои се користени примероци на крв од учесници во клиничката студија.
Во моментов се тестира отпорноста на бразилскиот сој и видот откриен во Зимбабве.
„Ефектот на антитела предизвикани од втората кинеска вакцина „Синовац“ се намали во однос на вирусот кој е идентификуван во Јужна Африка, додека ефектот против видот пронајден во Велика Британија остана сличен на оној на постариот сој“, изјави на прес-конференција Гао Кјанг - генерален директор на филијалата „Синовац“.
ЕК: Дигитален сертификат само за вакцини одобрени од ЕУ
Кина ја одобри вакцината за коронавирус на 31 декември 2020 година.
Кинеските вакцини против коронавирус сѐ уште не добиле одобрение од Светската здравствена организација и здравствените институции на Европската унија и Соединетите Американски Држави.