Милошоски: Поднесен Предлог за изменување на Изборниот законик

Пратеникот на ВМРО-ДПМНЕ, Антонио Милошоски, денеска информираше дека е поднесен Предлог законот за изменување и дополнување на Изборниот законик, по скратена постапка, потпишан од сите пратенички групи.

„Првата е поместување на терминот за локалните избори за втората половина на октомври, што значи дека локалните избори би се одржале на 24 или на 31 октомври оваа година и втората измена е што се овозможува ефикасна употреба и реализација на законската обврска за употреба на уреди за отисок на прст при гласање, што и овозможува на ДИК да биде на ефикасен начин поврзана со дата базата на МВР“, стои во соопштението од Милошоски.

Почнува спроведувањето на она што го договорија Заев и Мицкоски

Измените на Законот за попис експресно пред Владата

Тој додава дека се очекува во текот на денешната владина седница да се реализира и она што беше договорена на вчерашната лидерска средба, а тоа е Владата, договорот за одложување на пописот во месец септември да го преточи во предлог за измени и дополнување на Законот за попис на населението и истиот во најкус можен рок да го достави до македонското собрание за да може согласно договорот да биде изгласан пред започнувањето на пописот.