امریکا د شمالي کوریا په اړه د امنیت شورا د نوي پرېکړه لیک هرکلی کړی
امریکا پر شمالي کوریا د امنیت شورا له لورې د بندیزونو د نوي پرېکړه لیک هرکلی کړی دی.
د امریکا ولسمشر ډونالد ټرمپ پر ټوېټر لیکلي چې دا له شمالي کوریا سره د سولې لپاره د نړیوالو یوه هڅه ده.
په ملګروملتونوکې پرون ۱۵غړو هېوادونو د بندیزونو پرېکړه لیک ته مثبتې رأیې ورکړې او هېڅ مخالفت نه دی شوی.
دغه بندیزونه د شمالي کوریا له خوا تېره میاشت د بالستیک توغندیو د ازمویلو په غبرګون کې تصویب شول.
شمالي کوریا تېره میاشت داسې یو توغندی وازمایه چې د پیونګ یانګ په وینا، د امریکا تر خاورې پورې رسېدلای شي.
په نویو بندیزونو کې د شمالي کوریا د تېلو د وارداتو محدودیتونه له منځه وړل او په بهر هېوادونو کې د دې هېواد د کارګرانو د بېرته ستنولو موضوعګانې پکې شاملې دي.
په ملګرو ملتونو کې د امریکا استازې نیکې هیلې وویل، دا نوي بندیزونه شمالي کوریا ته پیغام ورکوي چې که دا هېواد نوره سرغړونه وکړي، نو نوره سزا به وویني او په نړیواله سطحه به لا نور منزوي شي.