په کونړ کې د داعش او ولسي پاڅون کوونکو په ډزو کې ۲ تنه ټپیان شوي
د کونړ امنیه قوماندان پاسوال جمعه ګل همت ازادي راډیو ته د سې شنبې په ماسپښین وویل، نن له غرمې مخکې د داعش وسله والې ډلې د څوکۍ ولسوالۍ د دیوه ګل د پاڅون کوونکو په پوستو برید کړی چې د دواړو لورو په ډزو کې دوه ولسي وګړي ټپیان شوي دي.
ډاکترانو د ټپیانو روغتیايی وضعیت ښه ښودلی دی.
تر اوسه د افغان حکومت وسله والو مخالفینو د دغه برید په اړه څه نه دي ویلي.