مصري پوځ په تېرو ۵ ورځو کې ۳۶ مشکوک سخت دریځي وژلي
![مصري پوځ په تېرو ۵ ورځو کې ۳۶ مشکوک سخت دریځي وژلي](https://gdb.rferl.org/F7401816-FD96-4B74-9075-521B77010534_cx12_cy21_cw81_w800_h450.jpg)
د مصر پوځ وایي چې امنیتي ځواکونو یې په تېرو پنځو ورځو کې په سینا ټاپو وزمه کې د اسلامي دولت سخت دریځې ډلې یا داعش په وړاندې په تصفیوي عملیاتو کې ۳۶ مشکوک سخت دریځي وژلي دي.
پوځ نن دوشنبه په خپره کړې اعلامیه کې دغهراز ویلي چې د دغو عملیاتو په نتیجه کې، ۳۴۵ مشوک سخت دریځي توقیف شوي دي.
وروسته له هغې چې د مصر ولسمشر عبدالفتاح السیسي تېره میاشت په سینا کې د داعش د ځپلو لپاره درې میاشتې وخت وټاکه، د دې هېواد پوځ دغه عملیات پیل کړل.
د روانې میاشتې په انتخاباتو کې السیسي ځان کاندید کړی دی.
له کله چې د السیسي په مشرۍ پوځ پخوانی اسلامپال ولسمشر محمد مرسي په ۲۰۱۳ کال کې له قدرته لیرې کړ، له هغه مهاله د دې هېواد پر امنیتي ځواکونو هغه جهادي ډلې حملې کوي چې په دې وروستیو کې له اسلامي دولت نومې ډلې سره یوځای شوې دي.