د هرات پوليسو د نشهيي توکو درې تنه قاچاقچیان نیولي
د هرات پوليسو درې تنه نيولي چې له هېواده دباندې يې لسګونه کيلوګرامه نشهيي مواد قاچاق کول.
د هرات ولايت امنيه قوماندانۍ له نشهيي موادو سره د مبارزې ځانګړو پوليسو مديريت رسنيو ته وويل چې دوی دوه تنه د شلو کيلو ګرامو هيروئينو په تور نيولي او عدلي او قضايي مرکز ته يې سپارلي دي.
دې دوو تنو غوښتل چې دغه نشهيي مواد د هرات له غوريانو ولسوالۍ څخه اسلامقلعه ته قاچاق کړي.
له بلېخوا د اسلامقلعه پوليسو يو بل تن هم د قاچاقو په تور نيولی دی.
دې سړي غوښتل چې ۲۵۰ کيلو ګيرامه هيروئين ايران ته قاچاق کړي.
د هرات سرحدي پوليس وايي چې دا نشهيي مواد يې په يوه بار وړونکي موټر کې پټ ايښي و.