Новости за 27.04.2018

د ناټو د بهرنیو چارو وزیرانو دوه ورځنۍ غونډه وشوه او د افغانستان سوله یې یوه د بحث وړ موضوع وه، شمالي او جنوبي کوریا هوکړه وکړه چې سوله کوي او کوریا ټاپووزمه به اغیر اټومي کړي او په چین کې د ژینګ ژو هوايي نندارې وشوې. د ازادي سټوډیو دا خبرونه د شپې په اتو بجو له پیشګام ټلویزیون هم کتلی شئ.

افغان ولسمشر محمد اشرف غني وايي، له تېرو ۴۰ کلونو راهیسې چې د افغانانو کومه وینه تویدنه روانه ده باید نوره بنده شي.

د بې پولې خبریالانو سازمان په خپل یو تازه راپور کې ویلي چې په اسیا کې تر ټولو فعاله میډیا د پاکستان ده خو اوس په هېواد دننه د طاقتورو ډلو له خوا د دړکو ښکار ده.

مدثر جمال د پېښور اوسیدونکی دی او د غشو ویشتلو په سیالیو کې یې یو شمېر جایزې هم ګټلې دي چې د سرو زرو میډال هم پکې شامل دی. په دې اړه دا ویډیويي رپورټ وګورئ.

د ازبکستان ولسمشر شوکت میرضیایف وايي، د هېواد د کابینې وزيران به ولاياتو ته انتقال کړي چې د عادي خلکو د ژوند له ستونزې په‎خپله تجربه کړي. میرضیایف ونه ويل چې کوم وزيران به له پلازمېنې نورو سیمو ته ولېږل شي او د څومره وخت لپاره خو وېې ويل په‎دې اړه به ډېر ژر رسمي امر وکړي. د ۲۰۱۶میلادي کال له ډیسمبر راهيسې چې میرضیایف د ولسمشر په توګه ټاکل شوی، پر حکومتي چارواکو تور پورې کړی چې له حقيقته لېرې او کبرجن دي. میرضیایف له ۱۱ ولسوالانو څخه وغوښتل چې د خلکو د ژوند د پرمختګ په برخه کې کار وکړي، کنه خپلې دندې به له لاسه ورکړي.

د غزني ولایت سیمه‎ییز چارواکي وايي، د دغه ولایت په مرکز د وسله‎والو طالبانو د ځپلو په هدف عملیات پیل شوي چې بهرني ځواکونه يې هم د هوا له لارې ملاتړ کوي. د غزني د والي ویاند محمد عارف نوري نن د جمعې په ورځ ناوخته ازادي راډيو ته وویل چې افغان ګډو ځواکونو دغه عملیات تېره شپه د دغه ولایت په خشک نومې سیمه کې پیل کړي. نوموړی وايي چې د یادوعملیاتو پرمهال تراوسه ګڼې سیمې له وسله‎والو طالبانو پاکې شوي او دغه راز ګڼ وسله‎والو طالبانو ته مرګ ژوبله اوښتې ده. خو په خبره يې دقيق شمېر نه‎دی معلوم. وسله‎والو طالبانو تراوسه په‎دې اړه څه نه‎دي ویلي.

د افغانستان په اړه د ناټو د بهرنیو چارو د وزیرانو غونډه د بلجیم په پلازمېنه بروکسل کې پيل شوې ده.

د لوګر پوليس د طالبانو د يوه مهم قوماندان په ګډون د دې ډلې د شپږو وسله والو د وژل کېدو خبر ورکوي. د لوګر د امنيې قوماندانۍ وياند شاهپور احمدزي له ازادي راډيو سره په خبرو کې وويل چې دا طالبان نن جمعه د خپلمنځي شخړې په نتيجه کې په پادخواب شانه سیمه کې وژل شوي دي. وسله والو طالبانو په دې اړه تر اوسه څه نه دي ويلي.

د ننګرهار ولايت ځايي چارواکي وايي چې د ملي امنيت ځواکونو د عملیاتو پرمهال په خوګياڼو ولسوالۍ کې شپږ طالبان وژل شوي دي. د ننګرهار د والي وياند عطاالله خوګياڼي نن ازادي راډيو ته وويل چې دا عملیات پرون بنجشنبه ماښام شوي دي. د خوګياڼو ولسوالۍ په ادوړ سيمه کې تېره شپه د ملي امنيت د ځانګړو ځواکونو له لوري عملیات ترسره شوي دي. د زرين په نوم د یوه ماين جوړوونکي په ګډون شپږ وسله وال طالبان وژل شوي دي. د ده په وينا، په دغو عملیاتو کې يو وسله وال طالب ټپي شوی او دوه نور مشکوک کسان نيول شوي دي. وسله والو طالبانو تر اوسه په دې اړه څه نه دي ويلي.

د افغانستان د انتخاباتو خپلواک کمېسیون د ولسي جرګې او ولسوالیو شوراګانو انتخاباتو کې د رأی ورکوونکو د نوم‎لیکنې...

د شمالي او جنوبي کورياوو مشرانو ژمنه وکړه چې کوريا ټاپووزمه به له اټمي وسلو پاکوي. د جنوبي کوريا ولسمشر مون جه اېن او د شمالي کوريا له ولسمشر کېم جونګ اون له اټمي وسلو څخه د کوريا ټاپو وزمې د پاکولو په اړه جدي او ريښتوني خبرې وکړې. دا خبره د جنوبي کوریا د ولسمشر د دفتر وياند نن وکړه. "لکه موږ چې ډېر ښه بحثونه وکړل، زه باور لرم دا به د جنوبي او شمالي کوریا د خلکو او همدا راز د نړۍ د خلکو لپاره ښه ډالۍ وي." کېم جونګ اون لومړی شمالي کوریايي مشر دی چې د ۱۹۵۳میلادي کال د جګړې راهيسې يې د جنوبي کوریا پر خاوره پښه ايښې. Читать дальше...

د ارمنستان د حکومت د مخالفينو مشر نيکول پاشينيان د لاریونونو د دوام ژمنه کړې ده. دا وروسته له هغه چې صدراعظم کارن کاراپتیان له پاشينيان له لیدو ډډه وکړه.  پاشينيان مخکې له ولسمشر ارمن سارګسیان سره د روان سیاسي بحران پر حل لارو خبرې وکړې.  ده سرپرست صدراعظم کارن کاراپتیان ته بلنه ورکړې چې نن ورسره پر همدې موضوع خبرې وکړي، خو هغه دا بلنه ونه منله. د کارن کاراپتیان وياند ويلي چې له پاشينيان سره مذاکرات به د يوه اړخېزې مذاکرې په مانا وي او بل لوری به خپل دريځ نه شي مطرح کولای. پاشينيان او ولسمشر... Читать дальше...

د امريکا نوی د بهرنیو چارو وزير مایک پومپئو ته د ناټو متحدانو سره د خبرو لپاره نن بروکسل ته رسېدلی دی. دی به له ناټو متحدانو سره په اروپا کې د روسيې پر تېري خبرې وکړي. پومپئو د بهرنیو چارو وزير په توګه تر ټاکلو يوه ورځ وروسته بروکسل ته سفر کړی. پومپئو د پوځ پخوانی افسر او جمهوري غوښتونکی د کانګرس غړی پاتې شوی دی. ده له تېرو ۱۵ مياشتو راهيسې د «سي.ای.اې» د رئیس په توګه دنده لرله. پومپئو د ولسمشر ډونالډ ټرمپ له وفادارو ملاتړيو څخه بلل کېږي. په بروکسل کې د ناټو هېوادونو د بهرنیو چارو وزيرانو... Читать дальше...

د شمالي او جنوبي کوریاګانو ولسمشران وايي دوی ژمن دي چې د کوریا ټاپو وزمه له اټمي وسلو پاکه کړي.

افغان حکومت وايي، یواځینۍ غوښتنه یې له پاکستانه دا ده چې سولې ته نه حاضریدونکي طالبان له خپلې خاورې وباسي.

د افغانستان د کورنیو چارو وزارت وايي، یو لوړ رتبه افغان پلاوي چې مشري يې د کورنیو چارو وزیر ویس برمک کوله...

افغان ولسمشر محمد اشرف غني وايي، له تېرو ۴۰ کلونو راهیسې چې د افغانانو کومه وینه تویدنه روانه ده باید نوره بنده شي.

د ځايي چارواکیو په وینا برید په نیمه شپه نېږدې یوه بجه د شندي ګل پر کور شوی دی او تر اوسه د پېښې په تړاو نه څوک نیول شوي او نه هم چا د برید ذمه واري منلې ده.

د ارزګان ولایت مرکز ترینکوټ کې یو شمېر خلکو نن د جمعې په ورځ په دې مخه د ارزګان او کندهار ترمنځ لاره وتړله چې ګنې پر یاده لاره مال، عزت او سرونه خوندي نه‎دي.

تمه ده د جرمني صدراعظمه انګلامرکل د جمعې په ورځ په سپینه ماڼۍ کې د امریکا له ولسمشر ډونالډ ټرمپ سره وګوري.

د افغانستان دفاع وزارت وايي، د هېواد په بېلابېلو سیمو کې په جلا عملیاتو کې د يوه تش په نوم ولسوال، يوه ځايي قوماندان او څلورو داعشيانو په ګډون ۹۳ سخت دريځې وژل شوي او ۷۴ نور يې ټپيان شوي دي. د افغانستان دفاع وزارت په يوه اعلاميه کې ويلي، دا عملیات په ۲۴ ساعتو کې په ننګرهار، لغمان، کونړ، کاپيسا، غزني، خوست، لوګر، غور، بلخ، تخار، بغلان، سمنګان او هلمند کې د هوايي او توپچي ځواکونو له‎خوا شوي دي. اعلاميه زیاتوي، په تېرو ۲۴ ساعتو کې ۱۱ تصفيوي عملیات پلان شوي، په ۱۲ ولايتونو کې ۷۰ ځانکړي عملیات وشول... Читать дальше...

د کونړ امنیتي مسؤلین وايي، تېره شپه د نړیوالو ځواکونو بې پیلوټه الوتکې په شیګل ولسوالۍ کې برید کړی او د داعش درې غړي يې وژلي دي. د کونړ د امنيې قوماندانۍ ویاند فریدالله دهقان د جمعې په ورځ ازادي راډیو ته وویل چې تېره شپه یوه بجه د نړیوالو ځواکونو بې پیلوټه الوتکې د شیګل ولسوالۍ اړوند د موڼې په سیمه کې برید کړی. هغه وايي، په یاد هوايي برید کې ولسي وګړو ته کوم زیان نه‎دی اوښتی. تر اوسه د اسلامي دولت سخت دريځې ډلې د تېرې شپې هوايي برید په اړه څه نه‎دي ویلي.

د امریکا د بهرنیو چارو نوی وزیر مایک پامپېو نن سهار برسلز ته ورسېد چې د ناټو له غړو هېوادونو سره په اروپا کې د روسیې د تېري پر موضوع خبرې وکړي.

د ازادي راډيويي مجلې دا ګڼه د ارواښاد اسحاق ننګیال او ارواښاد فاني ته ځانګړې شوې ده. په نننۍ ګڼه کې ...

په لغمان ولایت کې د يوې غونډې په ترڅ کې په زرګونو کسانو د ټاکنو لپاره د نوملیکنې له بهيرهد ملاتړ تر څنګ ژمنې وکړې چې خپلې تذکرې به راجستر کوي او په راتلوونکو ټاکنو کې به خپلې رايې استعمالوي.