ولسمشر غني په دوه ورځني سفر بلخ ولایت ته تللئ
دولسمشر غني د ویاند مرستیال شاه حسین مرتضوي پر خپلې فېسبوک پاڼې لیکلي چې له ولسمشر غني سره په دغه سفر کې د لومړۍ مېرمن بي بي غني په ګډون یو شمېر نور لوړپوړي چارواکي هم شامل دي.
ښاغلي مرتضوي لیکلي چې ولسمشر غني به له امنیتي او سیمه ییزو مسؤلینو سره د غونډې ترڅنګ یو ۳۶۰ بستریز روغتون هم پرانیزي.
نوموړی همدارنګه زیاته وي چې ښاغلی غني به په خپل دوه ورځني سفر کې د بلخ د ولایتي شورا، دیني علماو، ښځو، سوداګرو، امنیتي سرتېرو او قومي مشرانو سره هم وګوري.
ولسمشر غني تر دې وړاندې غزني ولایت ته تللئ و.