د نواز شریف ورور شهباز شریف د فساد په تور نیول شوی
د احتساب ملي ادارې چې مرکز یې په لاهور کې دی شهباز شریف په یو ساختماني ښارګوټي کې د صاف پاني په نوم د اوبو په پروژه کې د فساد د اعاوو په تړاو نیولی دی.
دې ادارې نن په یوه بیان کې وویل چې شریف یې له څو ساعته تحقیقاتو وروسته ونیو.
شهباز شریف چې له ۲۰۱۳ او ۲۰۱۸ کلونو ترمینځ د پنجاب اعلی وزیر و، تورن دی چې د استوګنې د یوې دولتي پروژې په قراردادو کې یې له خپل وظیفوي صلاحیت څخه ناوړه ګټه اخیستې ده.
شهباز شریف د پخواني صدراعظم نوازشریف ورور دی چې هغه هم د فساد د تورونو په خاطر په ۲۰۱۷ کال کې د سترې محکمې د حکم له مخې له دندې لیرې شو.
نواز شریف او ورور یې دواړه د مسلم لیګ ګوند غړي دي.
مسلم لیګ ن ګوند د شهباز شریف نیول کېدل غندلي دي.