صیاد: د ټاکنو لپاره عملیاتي پلان بشپړ شوی
د افغانستان د انتخاباتو خپلواک کمېسیون وايي چې د را روانو ټاکنو لپاره عملیاتي پروګرام یې بشپړ شوی او تیار دي چې د مېزان په ۲۸مه د ولسي جرګې انتخابات وشي.
د دې کمېسون مشر ګل اجان عبدالبدیع صیاد نن په کابل کې خبریالانو ته وویل، ډاډه دی چې د را روانې شنبې په ورځ به د افغانستان په ۳۳ ولایتونو کې ټاکنې وشي.
صیاد پر افغانانو غږ وکړ چې په ټاکنو کې ګډون او له خپله حقه دفاع وکړي.
د افغانستان د ټاکنو خپلواک کمېسیون ویلي چې د انتخاباتو په ورځ په ۲۱ زره حوزو کې ۵۱۰۰ د رایې ورکولو مرکزونه پرانیزي.