امريکا د غذايي اعتصاب پر مهال د ايران د يوه سياسي فعال مړينه وغندله
د امريکا متحدو ايالتونو د غذايي اعتصاب پر مهال د ايران د يوه سياسي فعال مړينه وغندله.
وحيد صيادي نصيري په ټولنيزو رسنيو کې د پيغامونو د ليکلو له کبله بندي شوى و.
د امريکا د بهرنيو چارو وزارت پرون په يوه اعلاميه کې وويل، نصيري چې تېره چهارشنبه مړ شوى، د ايران د چارواکو له خوا څلور مياشتې مخکې په خپلسري ډول نيول شوى و.
په اعلاميه کې ويل شوي چې نصيري قانوني مراجعو ته لاسرسى نه درلود او په غير انساني وضعيت کې په بند کې ساتل کې ده.
د وحيد صيادي نصيري خور الهې ازادي راډيو ته ويلي چې چارواکو د دوى کورنۍ ته اطلاع ورکړې چې ورور يې د قم ښار په يوه روغتون کې ساه ورکړې ده.