چارواکي: د پکتیکا په ګومل کې هوايي برید پنځه وسله وال طالبان وژلي
د امنیې قومندانۍ ویاند شاه محمد ارین د شنبې په ورځ ازادي راډیو ته وویل:
"پرون ناوخته بهرنیو ځواکونو د پکتیکا ولایت په ګومل ولسوالۍ کې د وسله والو طالبانو پر یوه مرکز برید کړی چې پنځه وسله وال یې وژلي دي."
وسله والو طالبانو تر دې دمه په دې اړه څه نه دي ویلي.
دا په داسې حال کې ده چې د پکتیکا تر څنګ په ټول افغانستان کې د افغان او ائتلافي ځواکونو له لوري د وسله والو په خلاف په هوايي، ځمکني او توپچي بریدونو کې زیاتوالی راغلی دی.
وسله والو طالبانو په دې اړه لا څه نه دي ویلي.