Новости за 09.06.2019

د افغانستان د متشبثینو عالي بورډ وايي چې د کابل د ارغندي چوک یو وار بیا د باروړونکو موټرو د تګ راتګ پر مخ خلاص شو. د دې بورډ رئیس رحم الدین حاجي اغا نن ازادي راډيو ته وویل: "نن بیا ځلې موټرو ته په په دې لاره د تګ راتګ اجازه ورکړل شوه، د فراه، نیمروز، کندهار او هلمند سوداګر کولای شي چې بار واخلي." د کابل ښار د ارغندي چوک د امنیتي سکنرونو د خرابوالي له امله له تېرو پنځو ورځو راپه دېخوا د باروړونکو موټرو په په مخ تړلی و. د ښاغلي حاجي اغا په خبره، په دې پنځو ورځو کې افغان سوداګرو ته میلیونونه افغانۍ زیان رسېدلی دی.

د افغانستان او تاجکستان د فوټبال ملي لوبډلو ترمنځ لوبه مساوي شوه. د افغانستان او تاجکستان د فوټبال ملي لوبډلو ترمنځ دا دوستانه لوبه يو پر يو مساوي پای ته ورسېده. دغه لوبه د دوشنبې ښار په پامیر لوبغالي کې تېره جمعه وشوه. اېډېټ: شفیع کریمي

د هلمند په ګریشک ولسوالۍ کې په یوه پېښه کې ۶ تنه مړه او ۶ نور ژوبل شول. د ګریشک ولسوال مولاداد توبګار په هلمند کې د ازادي راډیو خبریال ته ویلي، دا کسان نن یکشنبه سهار هغه مهال مړه او ژوبل شول چې د سپرلۍ موټر یې یوه نهر ته ولوېد. مولاداد توبګار همداراز وویل چې سپرلۍ له یوه واده څخه خپل کور ته روانې وې چې مازدا موټر یې د بغرا نهر ته ولوېد. د ولسوال په وینا، په مړو کې د موټر چلوونکي ترڅنګ ۵ تنه ماشومان او ښځې شاملې دي. د پېښې علت د موټر چلوونکي بې احتیاطي بلل شوې ده.

د کابل د نن ورځې چاپ ورځپاڼو د د بیلابیلو موضوعاتو په اړه مقالې او تبصرې خپرې کړي...

د افغانستان د کرکټ د ملي ټیم کیپتان ګلبدین نایب وايي چې د افغانستان تکړه بالر راشد خان چې پرون شنبه له نیوزیلنډ سره په مسابقه کې ژوبل شوی و، اوس ښه دی. شل کلن راشد خان چې د نړۍ یو تر ټولو غوره بالر ګڼل کېږي، د بریتانیا په ټانټن لوبغالي کې له نیوزیلنډ سره په سیالۍ کې هغه مهال ژوبل شو چې بیټنګ یې کاوه او د نیوزیلنډي لوبغاړي لکي فرګوسن توپ یې پر سر ولګېد. کیپتان ګلبدین نایب وايي چې راشد خان به د افغانستان په راتلونکې مسابقه کې ګډون وکړای شي. راشد خان د ډاکتر په سپارښتنه توپ اچونه ونه کړه.

ايرو ايشيا ريوو خپرونې په خپله تازه ګڼه کې تر دې عنوان لاندې ليکنه خپره کړې ده چې د نړۍ ځينې سيمې د خپل ستراتيژيک...

د سولي د ولسي حرکت غړي وايي، له طالبانو سره د ليدلو پرمهال يې د اوربند غوښتنه نه ده منل شوې، خو د سولې او بين الافغاني خبرو په اړه مشروطه ژمنه ورسره شوې ده. د دې حرکت مشر اقبال خيبر چې تازه د طالبانو تر ولکې لاندې له سیمو څخه راستون شوی، په لښکرګاه کې خبریالانو ته وویل، وسله والو طالبانو اوربند د افغان او امریکايي ځواکونو په ګټه وباله. ده وویل: "په اوربند کې یې هم اوس اختلاف درلود، دوی دا ویل چې که موږ اوربند وکړو، دا به امریکايي ځواکونو ته فرصت په لاس ورکړي چې ترې وروسته جګړه تېزه کړي." ... Читать дальше...

په انګلستان کې د کرکټ د نړیوال جام په روانو سیالیو کې افغانستان خپله پرله پسې درېیمه لوبه پرون نیوزیلنډ ته وبایلله. افغانستان لومړی بیټنګ او ښه پیل وکړ، خو وروسته یې ژر ژر لوبغاړي له لاسه ورکړل او د ۹ لوبغاړو په سوځېدو یې په 41 اورونو کې نیوزیلنډ ته 173 منډې هدف وټاکه. د نیوزیلنډ لوبې ټاکلی هدف په 32 اورونو کې د درې لوبغاړو په سوځېدو پوره کړ او په دې توګه یې له افغانستانه پرونۍ لوبه وګټله. په پرونۍ لوبه کې د باران له کبله وقفه هم راغله. په همدې ورځ د کرکټ د نړیوال جام په یوه بله سیالۍ کې... Читать дальше...

د البانیا ولسمشر ویلي، د ښاروالۍ راتلونکي انتخابات لغوه کوي. الیرمیتا استدلال کړی چې د ډموکراټیکې رأیې ورکولو شرایط برابر نه دي. خو د البانیا صدراعظم ادي راما د ولسمشر دا خبره ناسمه بللې ده. له دې سره په یو وخت د البانیا په مرکز تیرانا کې مظاهرې دوام لري. په تېرو میاشتو کې زرګونه کسان  لارو کوڅو ته راوتلي او حکومت یې په فساد او د پارلماني انتخاباتو د رأیو په غلا تورن کړی. په دې هېواد کې دوه کاله مخکې پارلماني انتخابات ترسره شول.

په قزاقستان کې نن یکشنبه خلک خپل نوی ولسمشر ټاکي. دا په داسې حال کې ده چې قاسم جومارت تکایف ظاهراً د دې هېواد د موقت ولسمشر په توګه خپل کار ته ادامه ورکوي.  ۶۶ کلن تکایف د اپرېل په میاشت کې د ده په وینا، د سیاسي بې ثباتۍ د مخنیوي لپاره تر وخت مخکې د انتخاباتو د ترسره کېدو غوښتنه وکړه. تکایف د قزاقستان په دې انتخاباتو کې له داسې شپږو کاندیدانو سره سیالي کوي چې ډېر پېژندل شوي نه دي، خو د قزاقستان د حکومت له خوا تأیید شوي دي. نوموړي ویلي، که ګټونکی شي، د پخواني ولسمشر نور سلطان نظربایف سیاستونه به پر مخ یوسي. Читать дальше...

نن د پنځوس اووريز کريکټ نړيواال کپ سياليوو لړ کې هند د اسټريليا سره لوبېږي. د انګلېنډ په مرکز لندن کې دا لوبه د پېښور په وخت دوه نيمې بجې پېلېږي.

په سوریه کې یو ځل بیا نښتو زور اخیستی، د سوریې د بشري حقونو د څار لندن مېشتې ډلې، په یوې خبرپاڼې...

د فوټبال نړیوال فدراسیون فیفا د افغانستان د فوټبال د فدراسیون پخوانی رئیس کرام الدین کریم په نړیواله کچه د تل لپاره له...