Новости за 23.06.2019

امریکايي رسنیو راپور ورکړی چې د امریکا متحده ایالاتونو د ایران په کمپیوټري سیسټمونو سایبري یا انلاین بریدونه کړي. واشنګټن پوسټ او اسوشیټېډ پرېس خبري اژانسونو د امریکايي چارواکو له خولې چې نومونه یې نه‌دي یاد شوي ویلي، دا بریدونه د جون په شلمه نېټه د ایران له‌خوا د امریکا د یو ډرون له نسکورولو وروسته شوي دي. دواړو رسنیو د شنبې په ورځ ویلي چې د ایران د پوځ پر کمپیوټري سیسټمونو دا سایبري بریدونه د امریکا ولسمشر ډونالډ ټرمپ تأیید کړي وو. د امریکا د دفاع وزارت د دې راپورونو له تأیید ډډه کړې. پر... Читать дальше...

د شمالي کوریا رسنیو راپور ورکړی چې د دې هېواد مشر کېم جونګ اون د امریکا له ولسمشر ډونالډ ټرمپ څخه یو ډېر ښه لیک تر لاسه کړې. سره له دې چې د دې لیک د جزئیاتو په اړه د شمالي کوریا په رسنیو کې څه نه‌دي ویل شوي، خو د دې هېواد مرکزي خبري اژانس ویلي، کېم د دې لیک له منځ‌پانګې ډیر خوښ دی. د شمالي کوریا مرکزي خبري اژانس همدارنګه ویلي، کېم جونګ اون، د ډونالډ ټرمپ د سیاسي قضاوت او زړورتیا ستاینه کړې. سپينې ماڼۍ تر اوسه په‌دې اړه څه نه‌دي ویلي. د امریکا او شمالي کوریا مشرانو خپلو کې لومړنۍ لیدنه تېرکال... Читать дальше...

د افغانستان اقتصاد وزارت وایي، نړېوالې موسسې پلان لري چې په ۱۳۹۸ کال کې خپل فعالیتونه تر ډېره لېرو پرتو سيمو ته وغځوي. د یاد وزارت ویاند سهراب بهمن نن ازادي راډيو ته وویل، په دې توګه به د خلکو په اقتصادي ژوند کې د پام وړ بدلون راشي. ده زیاته کړه: مونږ له انجوګانو سره د یو پلان په اساس کار کوو، انجوګانې سږکال پلان لري چې خپل پرمختیايي کارونه تر ډېره لېرو پرتو سيمو ته متمرکز کړي، له دې سره به د لېرو پرتو سیمو د خلکو په اقتصادي ژوند کې هم پرمختګونه رامنځته شي. نوموړي وویل، غیر دولتي ادارو په ۱۳۹۷... Читать дальше...

د پښتونخوا ملي عوامي ګوند مشر محمود خان اڅکزي ويلي، که پوځ په سياسي چارو کې مداخلې ته دوام ورکړي نو د يو ملک په حېث به د پاکستان چلول ناممکنه شي.

افغان ولسمشر محمد اشرف غني او اجرائیه رئیس عبدالله عبدالله د خواشینۍ په بېلابېلو پیغامونو کې د علامه ډاکټر عنایت الله ابلاغ مړینه یوه ستره علمي ضایعه ګڼلې ده. د نوموي جنازه نن د کابل په عیدګاه جومات کې وشوه. علامه ابلاغ چې په کویټ پوهنتون کې د شرعیاتو په څانګه کې استاد و، پخوا د کابل پوهنتون استاد او د ولسي جرګې او د سترې محکمې د عالي شورا غړی تېر شوی دی. ډاکټر ابلاغ د هغې ناروغۍ له امله چې ورپېښه وه، د پنجشنبې په ورځ د ۸۹ کلنۍ په عمر په کویټ کې وفات او جنازه یې نن د یکشنبې په ورځ سهار کابل ته انتقال شوه. Читать дальше...

د افغانستان د متشبثینو عالي بورډ وایي، پاکستان په افغان سوداګرو خپله تعارفه له شپږ ویشت زرو څخه پنځوس زرو ته لوړه کړې ده. د دغه بورډ مشر رحم‌الدین حاجي اغا نن ازادي راډيو ته وویل چې د پاکستان په دغه اقدام سره به سوداګرو ته ګڼ مالي زیانونه واوړي. ده وویل: پرون په څلورو بجو پاکستان په افغان سوداګرو خپله تعارفه لوړه کړه، په دې اساس دغه تعارفې له ۱۳ زرو څخه ۲۶زرو او ۲۶ زرو څخه ۵۰ زرو ته پورته شوي، دغه تعارفه په ځانګړي ډول د افغانستان په تازه مېوو لګېدلې ده. نوموړي وویل، اړوندو ادارو ورسره ژمنه... Читать дальше...

کابل چاپ نننیو ورځپاڼو تر ډېره په پاکستان کې د افغان سولې د ناستې په تړاو لیکنې او تبصرې کړي دي.

د هغو سروې پر اساس چې د کار او ټولنیزو چارو وزارت ترسره کړې د هېواد په هرو پنځو مېرمنو کې یوه یې کونډه ده چې شمېر یې له پنځو تر شپږو لکو پورې رسېږي. نن د جون ۲۳مه د ملګرو ملتونو له‌خوا د کونډو د ورځې په نوم نومول شوې ده. افغان کونډې چې د ډېرو هغو مېړونه یې په جګړو کې د هېواد د دفاع په خاطر وژل شوي، له دولت او نړیوالو مرستندویه سازمانونو د مرستې او لاس نیوي غوښتونکی دي. ویډیو: لېمه هادې او ذکریا صفري ایډيټ: لېمه هادي

د افغانستان د سولې په چارو کې د امریکا متحده ایالاتونو خاص استازی زلمی خلیل‌زاد وايي، له طالبانو سره راتلونکی دور خبرې د جون په ۲۹مه پیلوي. خلیل‌زاد بیګاه «د شنبې په ماښام]»دا خبره په خپل ټویټر باندې لیکلې ده. هغه زیاته کړې، افغانستان او قطر ته یې د وروستيو سفرونو په اساس باورمند دی چې ټولې خواوې «د افغان سولې د پروسې» چټک پرمختګ غواړي. ښاغلي خلیل‌زاد د جون په ۱۸مه لیکلي و چې امریکا د سولې د یوه بشپړ تړون په لټه کې ده د خروج موافقه نه لټوي. زلمي خلیل‌زاد د افغانستان د سولې او پخلاینې په... Читать дальше...

د امریکا ولسمشر ډونالډ ټرمپ ویلي، په ایران به نور اقتصادي بندیزونه ولګوي څو دا هېواد اټمي وسلو ته لاسرسی پیدا نه کړي. ټرمپ پرون شنبه په سپینه ماڼۍ کې له خبریالانو سره غږېده او د ایران اړوند مسایل یې یاد کړل: "ایران اوس په یوه اقتصادي ګډوډۍ کې دی. سم دم له دوزخه تیریږي. بندیزونو سخت وهلي دي. نور بندیزونه به هم پرې ولګول شي. ډېر زیات." د امریکا ولسمشر تر دې یوه ورځ مخکې پر ایران د برید د امر د بېرته اخېستو اعلان وکړ. هغه د ایران له‌خوا د امریکا د یوې بې پيلوټه الوتکې د نسکورولو په غبرګون پر ایران د برید امر ورکړی و. Читать дальше...

ایراني رسنیو ویلي، د دغه هېواد د پوځ قضایه څانګې «سي.ای.اې» ته د جاسوسۍ په تور د یوه کس د اعدام خبر تأیید کړی دی. د ایران دولتي ټلوېزیون ایریب پرون شنبه ویلي، جلال حاجي زوار د جمعې په ورځ د تهران لویدیځ ته د کرج په رجايي شهر زندان کې اعدام شو. جلال حاجي زوار د امریکا د دفاع وزارت د فضايي برخې پخوانی قراردادي کارکوونکی او د «سي.ای.اې» جاسوس بلل شوی و. ایراني چارواکو ویلي چې جلال حاجي زوار د جاسوسۍ تورونه منلي و او د دوی په خبره چې له کوره یې د جاسوسۍ اسناد او شواهد ترلاسه شوي و. د ایران د... Читать дальше...

د اسیا د فوټ‌سال تر شل کلنو کم عمره اتلولیزو لوبو کې افغان ټیم دوهم شو. په پایلوبه کې چې د ایران په تبریز ښار کې د شنبې په ماښام وشوه افغانستان او جاپان سره مخ شول او لوبه ۳ پر ۱ جاپان وګټله. دا لومړی وار و چې افغان ټیم د اسیا د فوټ‌سال په اتلولیزو لوبو کې فاینل ته لار پيدا کړې وه. د دې لوبې د لیدلو لپاره تبریز ښار ته د ایران له بېلابېلو ښارونو لسګونه افغانان ورغلي وو. افغانستان فاینل ته د وتلو لپاره اندونیزیا ماته کړې وه او جاپان هم له کوربه ایرانه لوبه ګټلې وه. د اسیا د فوټ‌سال تر شل... Читать дальше...

د روسیې ضد زرګونه کسانو د ګُرجستان په پلازمېنه تبلیسي کې پرون د شنبې د درېیمې ورځې په مخ مظاهره وکړه. دوی د ځینو لوړپوړو ګُرجستاني چارواکو استعفا او له وخت مخکې انتخابات غوښتل. د شنبې ورځې مظاهرې خونړۍ نه وې. دوه ورځې مخکې کله چې د مظاهرو لومړۍ لړۍ پیل شوه، مظاهره‌چیان له پولیسو سره په نښته شول او د چارواکو په خبره نږدې دوه نیم سوه کسان ټپیان شوي و چې روغتونو ته انتقال شول. دوی لومړی مظاهرې د دې لپاره پيل کړې وې چې ولې د روسیې د پارلمان مرستیال د ګُرجستان د پارلمان د رئیس په څوکۍ ناست و او خبرې یې کړي. Читать дальше...

د پاکستان د مري په بوربن سیمه کې د افغان امن په اړه روانه غونډه کې افغان سياستوالو د پاکستان د بهرنیو چارو وزیر د ورستیو څرګندونو هرکلی کړی دی.

یو شمېر نړیوالو رسنیو په پاکستان کې د افغانستان د سولې په اړه یو کنفرانس کې د ځینو افغان سیاست‌والو پر ګډون راپورونه او مقالې خپرې کړي دي.

د پاکستان د بهرنیو چارو وزیر شاه محمود قریشي ویلي چې د ملامتولو لوبه نه د کابل او نه هم د اسلام‌اباد په ګټه ده.

د امریکا ولسمشر ډونالډ ټرمپ ویلي، په ایران به نور اقتصادي بندیزونه ولګوي څو دا هېواد اټمي وسلو ته لاس‌رسی پیدا نه‌کړي.