Новости за 26.10.2019

د صربیا حکومت د ایرو ایشیا له اقتصادي ټولنې سره چې روسیه یې مشري کوي، د ازاد تجارت موافقه وکړه. صربیا ته اروپايي اتحادیې په مکرر ډول خبرداری ورکړی و چې دا کار دې نه کوي. دا موافقه د صربیا صدراعظمې انا برنابیڅ پرون د اکټوبر په ۲۵مه په مسکو کې لاسلیک کړه. نوې موافقه به د صربیا او روسیې، بیلاروس او قزاقستان د ازاد تجارت د توافق ځای ونیسي. د روسیې د صدراعظم دفتر پرون په دې اړه په یوه بیان کې ویلي چې دا موافقه به له صربیا سره مرسته وکړي چې د ایرو ایشیا د اقتصادي ټولنې له نورو غړو سره په تجارت کې د ګمرکي محصول له درکه پيسې وسپموي.

د ژورنالېستانو د ملاتړ یوې نړیوالې ادارې د تاجکستان پر ولسمشر امام علي رحمان غږ کړی چې عاجل اقدام وکړي او دا ډاډ ورکړي چې د ازادې اروپا او ازادي راډیو د خبریالانو په ګډون د تاجکستان ژورنالېستان له خنډ پرته رپوټونه جوړولی شي. دې ادارې همدا راز پر امام علي رحمان غږ کړی چې بېړنۍ هڅې وګړي چې ډاډ ترلاسه شي چې د تاجکستان خلک د هغه هېواد د پارلماني انتخاباتو پرمهال له خپلواکو او ازادو سرچینو معلومات ترلاسه کولی شي. د خبریالانو د مصؤنیت کمېټې په نوم دې ادارې له نیویارکه په خپاره کړي بیان کې ویلي چې په... Читать дальше...

د افغانستان د ملي دفاع وزارت سرپرست اسدالله خالد ویلي، وسله وال طالبان خپل مړي د ملکي تلفاتو په ګڼه کې اچوي چې له دې امله د ملګرو ملتونو په وروستي رپوټ کې د افغانستان په جګړه کې د ملکي تلفاتو د زیاتېدو خبره شوې ده.

د امریکا دفاع وزیر مارک ايسپر ویلي چې د ناټو غړي هېوادونه د داعش د ځپلو د کمپاین لپاره یو موټی دی.

اتلس کلنه تورپېکۍ په ماشومتوب کې په نشو اخته شوې، خو اوس يې درملنه شوې او له نورو معتادو ښځو سره د نشې په پرېښودلو کې مرسته کوي.

په سمنګان ولایت کې څه د پاسه ۳۰ کیلو ګرامه نشه يي مواد ونیول شول. د سمنګان ولایت د پولیسو ویاند عبدالمنیر رحیمي ازادي راډیو ته وویل، د میزان د میاشتې په ۲۹مه نېټه د دې ولایت په مرکز کې (۳۵) کیلو ګرامه تاریاک هغه مهال ونیول چې په یوه موټر کې له بغلان ولایت څخه د سمنګان ولایت له لارې بلخ ته قاچاق کېدل. د دې موادو د قاچاق په تور د موټر چلوونکي په ګډون دوه کسان ونیول شول.

په تخار ولایت کې د کېمیاوي نشه يي موادو څلور قاچاق کوونکي ونیول شول. د تخار ولایت امنیه قوماندان سید معراج الدین سادات ازادي راډیو ته وویل، له نشه يي موادو سره د مبارزې پولیسو په دوو جلا جلا پېښو کې په تالقان ښار کې لس کیلو ګرامه هیروئین، اته ګرامه ټابلېټ کا ګولۍ او (۶۷) لېټره هغه کېمیاوي مواد ونیول چې د هیروئینو په جوړېدلو کې کارېدل. تورن کسان تر لومړنیو څېړنو وروسته عدلي او قضايي مرکز ته معرفي شوي دي.

پولیسو د نیمروز ولایت په زرنج ښار کې لسګونه کیلو ګرامه نشه مواد ونیول. د نیمروز ولایت امنیه قوماندان الله داد فدايي د عقرب د میاشتې په لومړۍ نېټه ازادي راډیو ته وویل، له نشه يي موادو سره د مبارزې پولیسو په زرنج ښار کې (۱۳۵) کیلو ګرامه نشه يي مواد ونیول چې (۵۷) کیلو ګرامه یې هیروئین، (۶۰) کیلو ګرامه تاریاک، (۹) کیلو ګرامه ښیښه او (۹) کیلو ګرامه یې چرس وو. د دې موادو د قاچاق په تور څوک نه دي نیول شوي.

د امريکا متحده ايالتونه او اروپايي ټولنه په افغانستان کې د جګړې له دواړو خواوو څخه غواړي چې تر سولې وروسته له نشه يي موادو سره په کلکه مبارزه وکړي.

په ننګرهار ولایت کې څه د پاسه سل کیلو ګرامه نشه يي مواد ونیول شول. د ننګرهار ولایت د امنیه قوماندانۍ ویاند مبارز اتل ازادي راډیو ته وویل، پولیسو د میزان د میاشتې په ۳۰مه نېټه په لومړیو عملیاتو کې په بهسودو ولسوالۍ کې (۱۷۲) کیلو ګرامه چرس ونیول. په دوهمه پېښه کې په سرخ رود ولسوالۍ کې د استوګنې په یوه کور کې څلور نیم کیلو ګرامه چرس او څه اندازه هیروئین ونیول شول. پولیسو د دې موادو د قاچاق او ساتنې په تور څلور کسان هم نیولي دي.