Новости за 26.12.2019

د ایراني رسنیو د راپورونو له مخې د هغې روسي میګ ۲۹ الوتکې ځای موندل شوی چې پرون د ایران په اردبیل ولایت کې راوغورځیده. په ایران کې په ټولنیزو رسنیو کې تصویرونه خپاره شوي چې په دې سیمه کې له واورو پوښل شوې څوکې څخه لوږی خیژي. د ایران د نیمه دولتي خبري آژانس فارس د راپور له مخې د راغورځیدلې الوتکې ځای مشخص شوی خو تراوسه د دې کومه نښه نشته چې پیلوټ یې ژوندی دی که نه. ویل شوي د دې الوتکې پیلوټ ډګروال محمدرضا رحماني ښایي د الوتکې ترغورځیدو مخکې کټه پوټ کړی وي او د موندلو لپاره یې د پیښې ځای کې د ژغورنې عملیات پیل شوي دي. Читать дальше...

د هغه امریکایي پوځي مړی امریکا ته ولیږدول شو چې روانه اوونۍ د دوشنبې په ورځ د افغانستان په کندز ولایت کې د سړک غاړې ماین په چاودنه کې وژل شوی و. پنتاګون ویلي چې ۳۳ کلن مایکل ګلوب چې د پوځي عملیاتو په مهال په چاودنه کې ټپي شوی، وروسته له یې اخیستو ټپونو ساه ورکړه. طالبانو د دې حملې مسولیت اخیستی و. د امریکا د دیلاورایالت په دویر هوایي اډه کې په هغو مراسمو کې چې د امریکا پوځ دغه پوځي ته د درنښت په نوم یاد کړي، د امریکا د ملي د امنیت سلاکاررابرټ اوبراین او د امریکا د پوځ د لوی درستیز جنرال مارک میلي په ګډون یوشمېر جګپوړو چارواکو ګډون کړی و. Читать дальше...

د ارګ له خوا په خپره شوې خبرپاڼه کې ویل شوي چې ولسمشر محمد اشرف غني به په دې سفرکې په فیض اباد کې د یوشمېر ټولګټو پروژو د پرانستلو په مراسمو کې پر ګډون سربیره، له سیمه ییزو چارواکو، قومي مشرانو، دیني عالمانو، ځوانانو او له ښځو سره جلا غونډې وکړي. له ښاغلي غني سره په دې سفر کې د یوشمېر وزیرانو په ګډون یو پلاوی هم ملګرتیا کوي. له بدخشانه د ازادي راډیو خبریال وایي چې د ولسمشر د سفر لپاره امنیتي تدابیرسخت شوي دي.

په ایران کې د عقرب د میاشتې د قربانیانو د څلوېښتمې په درشل کې د وژل شویو کسانو د خپلوانو د نیول کېدو، د امنیتي تدابیرو د زیاتېدو او په ځینو سیمو کې د انترنټ د پرچاوۍ خبرونه ورکول کېږي.

د افغانستان د ټاکنیزو شکایتونو خپلواک کمیسیون وايي، سره له ننه د ولسمشرۍ د انتخاباتو په اړه شکایتونه په بېلابېلو کټګوریو وېشي.