Новости за 29.12.2019

د مختلطو رزمي لوبو (MMA) افغان لوبغاړي حسین صفري د فایټ نایټز ګلوبل (Fight Nights Global)سازمان سیالیو کې خپل روسي حریف پیټر برګ مات کړ. لوبه پرون ( شنبه) مسکو کې وشوه، او صفري له درې پړاوه لوبې وروسته پر خپل سیال بریالی اعلان شو. د حسین بخش صفري په رسمي ریکارډ کې څلور بریاوې او یو بایلاد شامل دي خو روسي سیال یې درې بریاوې او یو بایلاد لري. تر دې مخکې هم حسین بخش صفري په کورنیو او سیمه ایزو سیالیو کې د پام وړ بریاوې ترلاسه کړي. ارګ پر خپله فیسبوک پاڼه د ازادې مبارزې په دې سیالۍ کې د صفري د بریا مبارکي ویلي.

افغان امنیتي چارواکي وايي، د سمنګان ولایت دره صوف ولسوالۍ کې یې عملیاتو کې لس د حکومت مخالف وسله وال وژلي دي. په شمال کې د شاهین قل اردو د شنبې په مازیګر یوې خبرپاڼې کې ویلي، دا عملیات د دره صوف ولسوالۍ کوتل ریګي او دره چپچل سیمو کې شوي چې په کې لس وسله وال وژل شوي او دوه نور ټپیان دي. د دې خبرپاڼې په وینا دا عملیات د جمعې د ورځې راهېسې پیل شوي او هدف یې له طالبانو څخه د یو شمیر کلیو پاکول دي چې لا هم دوام لري. وسله والو طالبانو د دې پېښې په اړه مشخصه تبصره نه ده کړې.

په عراق کې اعتراض کوونکو د دې هیواد په جنوب کې د تېلو یو چاڼځای تړلی او د دې تاسیساتو بریښنا یې پرچاو کړی. دا په دې هېواد کې د درې میاشتو راهېسې د پیل شویو اعتراضونو دوام دی چې پلازمینه بغداد او جنوبي برخې یې ځپلي دي. د رویټرز خبري اژانس راپور ورکړی، اعتراض کونکو د شنبې په ورځ د ناصریه د تېلو د تاسیساتو د تړلو پر مهال "نه خپله خاوره، نه تیل" شعارونه ورکول. د تېلو دا چاڼځای په ورځنۍ توګه ۹۰ زره بېرله تیل تولیدوي. په راپور کې د یو امنیتي چارواکي او د تېلو د چاڼځای د دوو چارواکو له خولې ویل شوي چې دا تاسیسات تړل شوي. Читать дальше...

د سومالیا چارواکي وايي په پلازمینه موګادیشو کې د شنبې د ورځې موټري بمي چاودنې لږ تر لږه ۹۰ کسان وژلي دي. چاودنه د یوې لارۍ په وسیله د تالاشۍ یوې پوستې سره نږدې د ګڼې ګوڼې پر مهال شوې ده. دا چاودنه په وروستیو کلونو کې په موګادیشو کې یو له تر ټولو خونړیو بریدونو څخه ده. د ملګرو ملتونو عمومي منشي انټونیو ګوتیریش دا برید په کلکه غندلی دی. د نوموړې د ویاند په وسیله یو خپاره شوي بیان کې ګوتیرش ویلي چې د دې ظالمانه جنایت ترسره کونکي باید عدالت ته راښکل شي. د موګادیشو ښاروال خبریالانو ته ویلي،... Читать дальше...

د اوکراین ولسمشر ویلادیمیر ځېلینسکي ویلي، په داسې حال کې چې ټاکلې شوې نن(یکشنبه) د بندیانو تبادله ترسره شي، د هغو افرادو لیست نهايي شوی نه دی چې باید د اوکراین د مرکزي حکومت او د دې هېواد په ختیځ کې د روس پلوو بیلتون پالو ترمنځ تبادله شي. د ډیسمبر په ۹ مه نېټه په پاریس کې د اوکراین، روسیې، فرانسې او جرمني ترمنځ د سولې خبرو کې چې هڅه کوي د اوکراین پنځه کلن کړکېچ پای ته ورسوي، د بندیانو د تبادلې په برخه کې "ټول د ټولو لپاره" نظر پیاوړی شو. ځیلنسکې د شنبې په ورځ خبریالانو ته نن(د یکشنبې) ورځ یاده کړه چې ټاکل شوې بندیان په کې تبادله شي. Читать дальше...

د ایران، روسیې او چین ترمنځ ګډ پوځي تمرینات د جمعې په ورځ له چابهار بندر څخه په عُمان سمندرګي او هند سمندر کې پیل شوي دي.

پاکستان وايي، نن (یکشنبې) کابل کې بیرته قونسلي چارې پیلوي.

امریکايي ورځپاڼې وال ستریټ ژورنال د افغانستان د جنګ او سولې په اړه لیکنه خپره کړې ده. په دې لیکنه کې لولو، د طالبانو د مشرتابه شورا د یوې اوونۍ په مخه له اوربند سره موافقه کړې ده، دا هغه څه دي چې د لیکوال په باور راتلونکې میاشت د امریکا او طالبانو ترمنځ ښايي موافقې ته لار هواره کړي. د دې لیکنې په دوام کې راغلي، د طالبانو د کوټې شورا په دې ښار کې د چهارشنبې د ورځې په غونډه کې له موقت اوربند سره سلا کړې ده. تر دې وړاندې د افغانستان حکومت او امریکا په ځلونو له طالبانو څخه د اوربند غوښتنه کړې ده. Читать дальше...