Новости за 13.04.2020

د پاکستان او هند د پوله‌ساتو ځواکونو په وسله‌والو نښتو کې درې ملکیان وژل شوي او ۱۳ نور ټپیان دي. پوځیانو په لانجمن کشمیر کې شنبه نښته پيل کړې وه چې یکشنبه‌یې هم دوام وکړ. هندي چارواکو ویلي چې د پاکستان له لوري د هند تر کنټرول لاندې کشمیر کوپواره کلي باندې مرمۍ لګېدلي چې درې ملکیان‌یې وژلي او پنځه نور یې ټپیان کړي. پاکستاني پوځ بیا ویلي چې د هند له‌خوا په فیر شویو مرمیو کې اته ملکیان ټپیان دي. پاکستان او هند د کشمیر په لانجمنه سیمه کې پخوا تر دې هم په یو بل سخت بریدونه کړي. تېر اګسټ د هند... Читать дальше...

د بې‌پولې خبریالانو سازمان د تاجکستان له حکومت غوښتي هغه خبریال خوشې کړي چې د افراطیت په تور یې نن دوشنبه محاکمه کوي. دغه سازمان د تاجکي خبریال دلیر شریپوف نیول کېدل یو غیر معقوله کار بللی. د بې‌پولې خبریالانو سازمان په یوه بیان کې ویلي د دلیر شریپوف زنداني کېدل د خبریالانو او رسنیو په وړاندې د تاجکستان د حکومت یو ګواښ څرګندوي. شریپوف د تاجکستان تر پارلماني ټاکنو مخکې په جنورۍ کې نیول شوی و. دی د حکومت یو منتقد دی. په پارلماني ټاکنو کې د امام علي رحمان په مشرۍ حاکم ګوند اکثریت ګټلی دی. ... Читать дальше...

د ویکي لیکس افشاګرې وېب‌پاڼې د بنسټګر جولیان اسانژ وکیلې استلا مورېس ویلي چې له خپل مؤکل نه‌یې دوه ماشومان راوړي دي. استلا مورېس ویلي ماشومان‌یې هغه وخت نړۍ ته سترګې غړولي چې جولیان اسانژ په لندن کې د اکوادور په سفارت کې پناه اخیستې وه او دا یې لیدلو ته ورتلله. د مورېس خبرې ډېلي مېل بريتانیا چاپ ورځپاڼې پرون خپرې کړې دي. هغې ویلي چې له اسانژ سره‌یې په ۲۰۱۷ کال کې کوژده هم وکړه، خو دوی دواړو ویلي و چې دا خبره رسنیو ته ونه‌کړي. ۳۷ کلنې مورېس ویلي زامن‌یې یو کلن او دوه کلن دي. اسانژ له دې مخکې... Читать дальше...

د پاکستان صدراعظم عمران خان په نړیوالې ټولنې غږ کړی چې د مخ پر ودې هېوادونو پورونه وبخښي څو هغوی د کرونا ویروس له لاسه د رامنځته شوي منفي اقتصادي عواقبو په وړاندې مقابله وکړای شي. خان یکشنبه په یوه وېډیويي پیغام کې وویل اندېښمن دی چې په بې‌وزلو او مخ پر وده هېوادونو کې به خلک د دې ناورین له امله د رامنځته شوې لوږې له لاسه ومري. هغه زیاته کړه: "د کرونا ویروس سره د مبارزې په برخه کې په نړیواله کچه دوه تګلارې ګورو. یوه هغه چې په پرمختللو هېوادونو کې د ټول‌بنډ له لارې د دې ویروس مخه نیول کېږي او... Читать дальше...

په نوې ډېلي کې د افغانستان سفارت ویلي چې هند یکشنبه د څه باندې پنځه زره مټریک ټنه غنمو لومړنۍ محموله افغانستان ته واستوله. د افغانستان سفارت شارژدافیر طاهر قادري په خپل ټویټر لیکلي: "د افغانستان د هر وخت ملګري، هند د ۷۵ زره مټریک ټنه مرسته کېدونکو غنمو له ډلې د پنځه زره او ۲۲ مټریک ټنه غنمو لومړنۍ محموله د افغانستان په لور ولېږله."  ښاغلي قادري زیاته کړې چې تمه ده ژر د هند هېواد افغانستان ته پنځه لکه هایدروکسي کلوروکین ټابلېټونه هم واستوي. ویل کېږي چې هایدروکسي کلوروکین ټابلېټونه په ځینو هېوادونو... Читать дальше...

په پکتیا ولایت کې وسله‌والو بریدګرو د افغان دولت درې کارکوونکي وژلي دي. د پکتیا د والي ویاند عبدالله حسرت ازادي راډیو ته په یوه پیغام کې وویل چې په وژل شویو کې د ګردېز د ملي امنیت ښاري مدیر هم شامل دی. هغه زیاته کړه: "دغه برید د یکشنبې په ماښام شاوخوا اووه نیمې بجې ترسره شوی دی. د ترهګرو له‌خوا چې په یوه کرولا ډوله موټر کې سپاره و د ملي امنیت د ښاري مدیر پر موټر ډزې شوې دي. نوموړی له خپل موټر چلوونکي او د ښاروالۍ له یوه مدیر سره په شهادت رسېدلي دي." ښاغلي حسرت زیاته کړه چې د برید د عاملینو... Читать дальше...

نیویارک چې په ټوله امریکا کې د کرونا ویروس له لاسه سخت ځپل شوی او زرګونه کسان‌یې مړه شوي دا اوونۍ د وضعیت د ښه کېدو هیلې پکې غوټېدلي.

د امریکا او طالبانو د تړون له مخې تر ۵ زره طالب بندیان د افغان حکومت له زندانونو خوشې کېږي او په بدل کې به‌یې طالبان هم ورسره زر تنه بندیان خوشې کړي.