Новости за 18.04.2020

د غزني ولایت د سوداګرۍ او پانګونې خونه وايي، چې په دغه ولایت کې شپیته په سلو کې سوداګرې ښځې زیانمنې شوې دي. د دغې خونې رئیس عبدالمتین قلندري نن ازادي راډيو ته وویل، د کرونا ویروس د لامخنیوي په هدف په ګرځېدو راګرځېدو محدودیت د ښځینه سوداګرو فعالیتونه په ټپه درولي او هغه ښځې چې په لرې پرتو سیمو کې کار کوي، محصولات یې د پلور لپاره بازارونو ته نه رسېږي. هغه زیاتوي: "له بده مرغه د کرونا ویروس له امله ستونزې زیاتې شوې، د غزني مرکز تړل شوی، شاه خوا ۶۵ ښځې چې عملاً یې سوداګري درلودله، قالنې یې جوړولې،... Читать дальше...

د کندز د کوویډ-۱۹ روغتون کې د تجهیزاتو نشتوالی، له کرونا ویروس سره د مبارزې په برخه کې د سیمه ییز ادارې بې غورۍ او دغه راز په دغه ولایت کې د والي نشتون کندزیان سخت غصه کړي. په ولسي جرګه کې د کندز د خلکو استازې فاطمه عزیز وايي، د دې ولایت خلک د کرونا ویروس له جدې ګواښ سره مخ دي، خو تر اوسه پورې سیمه ییز ادارې د روغتیا او د مرستو وېشلو په برخه کې هېڅ کار نه دې کړي او که والي د خلکو خدمت غواړي نو باید ولایت ته ورشي. د کندز د ولایتي شورا رئیس محمدیوسف ایوبي وايي، چې په دغه ولایت کې د کرونا ویروس... Читать дальше...

د افغانستان د سوداګرۍ او پانګونې خونه وايي، په بازارونو کې دې په لومړنیو خوراکي توکو په ځانګړې توګه په سبزو ګمرکي تعرفه کمه یا لمنځه ولاړه شي. د دغې خونې د عامه اړیکو مرستیال جان اقا نوید ازادي راډیو ته وویل، چې نن په دې اړه د خوراکي توکو د وارېدونکو او مالیې وزارت مسوولینو ترمنځ ناسته کېږي. هغه زیاته کړه: "سوداګر په ټوله کې وارېدونکي په دې هڅه کې دي، چې باید د حل یوه لاره پيدا کړي او نن ورځ د مالیې وزارت له مسوولینو سره ناسته لري، دا مسئله به وړاندې کړي، چې د خلکو د اړتیا وړ لومړنیو موادو باندې... Читать дальше...

کابل چاپ ورځپاڼو په خپلو نننیو ګڼو کې د افغان سولې ، کرونا ویروس او د طالبانو د حملو په اړه لیکنې او تبصرې کړې.

نړیوالو ورځپاڼو په خپلو نننیو ګڼو کې د افغانستان په اړه بېلابېل مطالب خپاره کړي دي.

په سمنګان ولایت کې له شپږو کسانو چې په کرونا ویروس اخته وو، څلور یې روغ شوي دي.  دا خبره د سمنګان ولایت د عامې روغتیا رییس عبدالخلیل مصدق پرون ماښام ازادي راډیو ته وکړه. هغه وویل: "د دوو کسانو د لومړیو معایناتو نتيجه هم منفي ده خو د دوهم معاینات نتيجه هم باید منفي وي، د معایناتو نتيجه مو په بلخ کې لابراتوار ته لېږلې ده، که هغه هم منفي شي دا دوه کسان هم روغ اعلانوو." سمنګان له هغو ولایتونو دی چې په کرونا ویروس د اخته کسانو شمېر پکې ډېر دی. په دې ویروس د اخته کسانو تر ټولو لوی شمېر په کندهار، کابل او هرات کې دی. Читать дальше...

طالبان د افغان امنیتي او دفاعي ځواکونو د درېیمې ډلې د راخوشي کولو خبر ورکوي. د طالبانو ویاند ذبیح الله مجاهد پرون پر خپله ټويټر پاڼه لیکلي، د لغمان ولایت په مرکز مهترلام کې د سلطان غازي بابا دروازې په سیمه کې يې شل سرتېري او پولیس له بنده خوشې کړي دي. مجاهد لیکلي چې شل نور سرتېري هم د پنجشنبې په ورځ په همدې سیمه کې راخوشې شول. طالبانو شپږ ورځې مخکې په لغمان ولایت کې د افغان حکومتي کارکوونکو د شلو کسانو د راخوشې کېدو خبر ورکړی و. د سولې په چارو کې د دولت د وزارت لوړپوړي سلاکال عزیزالله فضلي... Читать дальше...

نن څلورمه ورځ ده چې په کابل کې پر موټر سایکل د خلکو پر ګرځېدو محدودیت لګول شوی دی. د افغانستان د کورنیو چارو وزارت ویاند طارق ارین وايي دا پروګرام په بریاليتوب سره د عملي کېدو په حال کې دی.  ښاغلي ارین د جمعې په ماښام ازادي راډيو ته په دې اړه داسي وویل: "دا ممنوعیت د جرایمو د کچې کمولو په هدف وضع شوی دی، یوه استثنا شته، د رستورانونو هغه کارکوونکي چې د خوړو په برخه کې خدمات رسوي، د ګرځېدو د جواز په لرلو سره پر موټر سایکل د ګرځېدو اجازه لري، دا پروګرام تر ډېره بریده رعایت شوی دی ځکه د افغانستان... Читать дальше...

د پاکستان پولیسو په دې هیواد کې د پښتنو د حقونو یو مدافع په افغانستان کې په دې تور نیولی چې ګواکي کرکه خپروونکې وینا یې کړې. د پولیسو چارواکي عثمان وزیر ویلي، سردار عارف وزیر چې د پښتون ژغورنې غورځنګ غړی دی، د جمعې په ورځ د اپرېل میاشتې په اوولسمه نېټه په جنوبي وزیرستان کې ونیول شو. د پولیسو د دغه چارواکي په وینا پر وزیر تور دی چې افغانستان ته د سفر پر مهال یې هلته کرکه خپروونکې وینا کړې ده. ده په دې اړه نور جزئیات ورنکړل. د پښتون ژغورنې غورځنګ یوه ځايي مشر جمال مالیار وايي، پر وزیر تورونه بې بنسټه دي. Читать дальше...

د سعودي عربستان لوی مفتي وايي، که د کرونا ویروس د خپرېدو پر مهال د محدویت له کبله خلک په جومات کې د تراویح لمونځ نشي کولای، باید په خپلو کورو کې يې وکړي. د سعودي عربستان عُکاظ ورځپاڼې د جمعې په ورځ دا خبره د مفتي شېخ عبدالعزیز آل الشېخ له قوله خپره کړې ده. د راپور له مخې د یوې پوښتنې په ځواب کې چې ایا همدا فتوا د اختر د لمانځه په اړه هم ده؟ ده وویل چې دا فتوا د اختر د لمانځه لپاره هم صدق کوي. د روژې میاشت راتلونکې اوونۍ پیلېږي. سعودي عربستان د مارچ میاشتې په نیمايي کې د کرونا ویروس د خپرېدو... Читать дальше...

له افغانستان سره د هندوستان د ۵ زره ټنه غنمو د مرستې جوپه نن له چابهار بندره د افغانستان پر لور روانېږي.

د افغانستان جمهوري ریاست وايي، د دې هیواد حکومت د طالب زندانیانو د راخوشي کولو په برخه کې مهم ګامونه پورته کړي او تمه ده چې په پایله کې يې تاوتریخوالي ته د پای ټکی کېښودل شي.

د کابل ولایت اوسېدونکي اندېښنه لري چې د کرونا ناروغي به د معتادینو له لارې روغو خلکو ته هم ورشي.

په هلمند ولایت کې د طالبانو تر واک لاندې ټولو سيمو کې پرېمانه کوکنار کرل شوي دي.

په کابل ښار کې د نشه يي موادو د خرڅولو او قاچاقو په تور يو نفر نيول شوی دی. د کابل امنيه قوماندانۍ وياند فردوس فرامرز د حمل د مياشتي پر ۲۵ نېټه ازادۍ راډيو ته وويل، له نشه يي موادو سره د مبارزې ځانګړو پولیسو د عملياتو په نتيجه کې په کابل ښار کې يو نفر د نشه يي موادو د قاچاقو او خرڅولو په تور ونيو. ښاغلی فرامرز وايي چې، دا عمليات د کابل د څلورمې حوزې اړوند د تايمني په سيمه کې وشول چې په نتيجه کې يې له نشه يي موادو سره د مبارې ځانګړو پولیسو (۱۲) کيلوګرامه چرس، (۳) کيلوګرامه تارياک، (۱۶) بوتله شراب، دوه ميله وسلې او (۶۵۰۰۰) افغانۍ نيولي دي. Читать дальше...

په غزني ولايت کې ډیری ماشومان په چرسو باندې معتاد شوي دي. په دغه ولایت کې هغه سیمې چې د وسله والو طالبانو په واک کې دي، د نورو کلونو په پرتله سږکال څو برابره د بنګو کښت پکې ډېر شوی دی. په غزني کې د ډېرو بنګو کرل، د چرسو په کښت او پروسس کې د دغو ماشومانو کار کول، د مخدره موادو د قاچاق پر وخت له دغه ماشومانو کار اخیستل او بیکاري هغه عوامل دي چې ماشومان یې په چرسو باندې معتاد کړي دي. د يادونې وړ ده چې د دغه ډول ماشومانو شمېر د غزني ښار ترڅنګ په ولسوالیو کې هم ورځ په ورځ مخ پر ډېرېدو دی. د غزني... Читать дальше...

د کوکنارو اړولو په لړ کې په هلمند ولايت کې هم د کوکنارو اړول دوام لري. د کورنيو چارو وزارت وياند طارق ارين وايي چې، د کوکنارو اړولو دا کمپاين چې د هلمند ولايت پوليسو پيل کړی، تر دې مهاله يې د هلمند په ناوه او نادعلي والسواليو کې (۱۳۴) جريبه ځمکې د کوکنارو له کښتونو څخه پاکې کړې دي. د هلمند د ځايي چارواکو په وينا، د هلمند په ناامنو ولسواليو کې سږکال تر پروسږ کال ډېر کوکنار کرل شوي دي.

په ننګرهار ولايت کې له نشه يي موادو سره د مبارزې ځانګړو پولیسو د کوکنارو اړولو عمليات پيل کړل. د کورنيو چارو وزارت وياند طارق ارين د حمل د مياشتې پر ۲۶ نېټه ازادۍ راډيو ته وويل، د کوکنارو د کښت اړولو له پلان سره سم د ننګرهار ولايت په غني خېلو، روداتو او خوګياڼيو ولسواليو کې ۱۲۰ جريبه ځمکې د کوکنارو له کښتونو څخه پاکې شولې. له بلې خوا په دې ولايت کې دوه نفره د ۲۸ کيلو ګرامو چرسو د قاچاقو په تور نيول شوي دي. په دې اړه ښاغلي ارين وويل، د ننګرهار ولايت امنيه قوماندانۍ له نشه يي موادو سره د ځانګړو... Читать дальше...