Новости за 28.04.2020

په کندهار ولایت کې د کرونا د ۱۵ نویو پېښو له ثبت کېدو سره په دغه ولایت کې په دې ویروس د اخته کسانو شمېر ۲۴۰ تنو ته ورسېد. د کندهار حوزوي لابراتوار په تېرو ۲۴ ساعتونو کې د کرونا په ویروس ۵۰ تنه مشکوک کسان معاینه کړي چې د هغو له‌منځه د ۱۵ تنو کرونا مثبته وه. د کندهار عامې روغتیا رئيس محمد اشرف نادري نن ازادي راډیو ته وویل: "متأسفانه یوه مړینه هم لرو چې یوه خورکۍ ده او ۱۷ کلنه ده." په دې ولایت کې تر اوسه پورې په کرونا ویروس ۶ تنه مړه شوي دي.

د ازبکستان د رېلګاډي کمپنۍ د افغانستان حیرتان بندر ته د رېلګاډي منظم تګ راتګ پیل کړ. د ازبکستان د ټرانسپورت وزارت نن سې شنبه وویل، د دې رېلګاډي یو شمېر واګونونه به په تاشکند کې او یو شمېر نور به په لاره کې له باره ډک شي. د ازبکستان د ټرانسپورت وزارت په وینا دا رېلګاډی به په اوونۍ کې درې ځلې د افغانستان په بلخ ولایت کې تر حیرتان بندر پورې ځي.

د افغانستان او هند د بهرنیو چارو وزیرانو محمد حنیف اتمر او اس جي شنکر پرون (دوشنبه د غويي ۸) د کرونا ویروس د ستونزې او د طبي وسایلو په ګډون د بشري مرستو په اړه خبرې وکړې. د هند د بهرنیو چارو وزیر جي شنکر وویل، د افغانستان له بهرنیو چارو وزیر سره‌یې د دغه هېواد د سولې د هلو ځلو او د افغان سېکهانو د خوندیتوب په اړه هم خبرې وکړې. د حمل میاشتې په لومړیو کې په کابل کې د سېکهانو پر یوه ګوردواره یا عبادت‌ځای په حمله کې ۲۵ تنه ووژل شول او لږترلږه ۸ نور ژوبل شول. داعش وسله‌والې سخت دریځې ډلې د دې برید مسؤلیت په غاړه واخیست.

په روسیه کې په کرونا ویروس د اخته کسانو شمېر د چین تر شمېرو واوښت. رسمي راپورونه وايي تر پرون دوشنبه په روسیه کې په کرونا ویروس د اخته کسانو شمېر تر ۸۷ زرو واوښت. په دې ډول چین د روسیې پرتله د کرونا ویروس ۵۰۰۰ کمې پېښې ثبت کړې دي. په روسیه کې په کرونا ویروس د مړینو شمېر نږدې ۸۰۰ ته رسېدلی دی، یوازې د دوشنبې په ورځ په دې ویروس په‌کې ۴۷ کسان مړه شول. روسیې له څه باندې یوې میاشتې راهیسې عمومي قرنطین اعلان کړی او دغه وضعیت د همدې اوونۍ تر پنجشنبې دوام کوي.

د ډنمارک لپاره د روسیې سفیر د امریکا متحده ایالاتو په شمالي قطب کې د مقابلې د پالېسۍ په پر مخ بېولو تورن کړ. ولادیمیر باربین پرون دوشنبه وویل، امریکا په دې ډول غواړي پر سیمه تسلط تر لاسه کړي. تر دې څو ورځې مخکې واشنګټن د ګرینلنډ لپاره چې د ډنمارک شاهي هېواد یوه کورواکې سیمه ده د ۱۲ میلیونه او یو لک امریکايي ډالرو په ارزښت د اقتصادي مرستې د بستې اعلان وکړ. واشنګټن په عین حال کې د ګرینلنډ په مرکز نووک کې د خپلې قونسلګرۍ چې په ۱۹۵۳م کال کې تړل شوې وه د بیا پرانیستلو د پلانونو اعلان هم کړی. ولادیمیر... Читать дальше...

یوه څارونکې ډله وايي په سوریه کې د اسرائیلو د میزائیلو په حمله کې څلور ایران‌پلوه ملېشه او درې ملکیان وژل شوي دي. د سوریې د بشري حقونو د څار اداره وايي دا حمله پرون د پلازمېنې دمشق د جنوب په مربوطاتو کې شوې ده. دغې ادارې ویلي، د میزائیلو په دغه حمله کې هغه سنګرونه ویشتل شوي چې په ایران او په سیمه کې د ایران په نیابتي ډلو پورې مربوط وو او څلور وسله‌وال‌یې په نتیجه کې وژل شوي دي. دغې ادارې د وژل شویو ملېشه‌وو د هویت په اړه معلومات نه‌دي ورکړي. د سوریې د بشري حقونو د څار ادارې او د سوریې سانا... Читать дальше...

د کندهار امنیه قومانداني وايي په ژړۍ ولسوالۍ کې په وسله‌واله نښته کې ۴ وسله‌وال طالبان وژل شوي دي. دغې قوماندانۍ پرون دوشنبه په یوه اعلامیه کې ویلي، نښته هغه وخت پیل شوه چې اول وسله‌والو په میرازار سیمه کې د پولیسو پر یوه پوسته برید وکړ. په اعلامیه کې ویل شوي چې وروسته وسله‌والو نښته وشوه چې ۴ وسله‌وال طالبان‌یې په نتیجه کې ووژل شول. د کندهار امنیه قومانداني وايي په وژل شویو کې د طالبانو دوه قوماندانان هم شامل دي. وسله‌والو طالبانو د دې پېښې په اړه څه نه‌دي ویلي.

د هرات ولایت له زندان څخه ۷۰ تنه بندیان خوشې شول. د زندانونو د تنظیم چارو اداره وايي، دغه بندیان په افغانستان کې د مجاهدینو د بریا د ۲۸مې کلیزې په مناسبت خوشې کېږي. د دې ادارې ویاند فرهاد باياني پرون دوشنبه ازادي راډیو ته وویل، د جمهوري ریاست د فرمان له مخې د بندیانو لومړۍ ډله پرون خوشې شوه. هغه زیاته: "۷۰ تنه بندیان د ټاکل شوي کمېسیون له‌خوا د دوی د دوسیو تر ارزونې وروسته د خوشې کېدو وړ وپېژندل شول او د هرات له زندانه د دوشنبې مازیګر رسماً خوشې شول." د زندانونو د تنظیم ادارې ویاند وایي،... Читать дальше...

د افغانستان جمهوري ریاست وايي حکومت له وسله‌والو مخالفانو او کرونا ویروس څخه د ولس ساتنې ته ژمن دی. حکومت، په افغانستان کې د ملکیانو د مرګ‌ژوبلې په اړه د یوناما د درې میاشتني راپور تر خپرېدو وروسته دا خبره وکړه. د یوناما د راپور له مخې د ۲۰۲۰م کال په لومړیو درېیو میاشتو کې په افغانستان کې ۵۳۳ ملکیان وژل شوي او ۷۶۰ نور ټپیان شوي دي. د راپور په عکس‌العمل کې د جمهوري ریاست مرستیال ویاند دوا خان مینه‌پال پرون ازادي راډیو ته وویل: "موږ ژمن یو چې د مخالفانو له جګړو او د کرونا له ویروس‌ دواړو څخه د خپلو خلکو د ساتنې لپاره لا نور اقدامات هم وکړو.

په ځینو اروپايي هېوادونو کې په ورځني ډول په کرونا ویروس د خلکو د اخته کېدو او مړه کېدو له کمېدو سره سره په نړۍ کې د دغه ویروس د خپرېدو د سوه کېدو لویې نښې نه‌ښکاري.

د ملګرو ملتونو مرستندوی مأموریت یا یوناما په خپل درې میاشتني راپور کې ویلي د ۲۰۲۰م کال په لومړیو کې درېیو میاشتو کې په افغانستان کې ۵۳۰ ملکیان وژل شوي او ۷۶۰ نور ټپیان شوي دي.