Новости за 20.03.2021

ولسمشر جوبایډن او مرستیاله یې کمالا هارېس ژمنه وکړه چې په متحد ایالاتونو کې به د نژاد پالنې پر ضد مبارزه کوي.  ښاغلي بایډن او مېرمن هارېس په اتلانتا ایالت کې د تېرې سې شنبې ورځې له پېښې وروسته چې په ترڅ کې یې اته کسان په ډزو ووژل شول دا ژمنه وکړه. په وژل شوېو کسانو کې شپږ اسیایي مېرمنې شاملې وې.  بایډن په جورجیا کې د اسیايي ټولنو له استازو سره د کتنې پر مهال په لنډه وینا کې وویل، په متحد ایالاتونو کې ډېر وخت د کرکې او تشدد پر وړاندې خلک پټه خوله پاتې کېږي چې د ده په وینا دا کار له جرم سره یولاس کول دي. Читать дальше...

ټاکل شوې چې د امریکا د بهرنیو چارو وزیر انتوني بلېنکن راتلونکې اوونۍ د ناټو په مقر کې د امریکا له متحدانو سره د افغانستان په اړه خبرې وکړي.  د اروپا او یوریشیا په چارو کې د امریکا د بهرنیو چارو وزارت سرپرست مرستیال فلیپ ریکر پرون جمعه له خبریالانو سره په ټیلیفوني مرکه کې بروکسل ته د ښاغلي بلېنکن د بلې اوونۍ د سفر په اړه وویل: "د بلېنکن د بحثونو وړاندوینه نه شم کولای خو طبعاً د بهرنیو چارو د وزیرانو په غونډه کې به په افغانستان کې د ناټو د رول په اړه بحثونه وشي. په داسې حال کې چې د افغانستان د پالیسۍ... Читать дальше...

د افغانستان د ملي مصالحې عالي شورا رئیس عبدالله عبدالله وايي، له دندې د کورنیو چارو د وزیر مسعود اندرابي د لېرې کېدو پرېکړه عجولانه وه. د ښاغلي عبدالله عبدالله له لوري په خپره شوې اعلامیه کې راغلي چې د ښاغلي اندرابي له دندې په ګوښه کېدو کې له ده سره سلا نه ده شوې او دا یې د دواړو خواوو ترمنځ د شوي سیاسي هوکړې خلاف وباله. عبدالله زیاتوي ، په اوسنیو شرایطو کې داسې پرېکړې د هېواد د ګټو او مصلحتونو خلاف دي چې په وینا یې ده ته د منلو وړ نه ده. ولسمشرۍ ماڼۍ تر اوسه په دې اړه څه نه دي ویلي.

وېسا وېسا ورځپاڼې د مسکو وروستۍ اعلامیې او د ترکیې کنفرانس په تړاو سرلېکنه خپره کړې ده. وړاندې راغلي، د مسکو غونډه او دا اعلامیه په داسې تیاره فضا کې چې د دوحې مذاکراتو په ټپه درېدلي حالت منځته راوړی و، د امید څرک بللی شو او دا اعلامیه د افغانستان په مسایلو کې د اثر لرونکو هېوادونو له خوا داسې وخت صادره شوه چې ښايي په یوه میاشت کې ترکیه د داسې یوه کنفرانس کوربه توب وکړي چې د ۲۰۰۱ د بُن کنفرانس ته ورته وي. د لېکول له انده, د ترکیې تر غونډې دمخه د مسکو د ترویکا پلَس اعلامیه کیدای شي د یو روښانه... Читать дальше...

په پام کې ده د افغانستان او زیمبابوې ترمنځ نن شنبه (د کب ۳۰مه) د کرکټ درېیمه شل اووره مسابقه وشي. افغانستان په ابوظبۍ کې پرونۍ شل اووره مسابقه هم د ۴۵ منډو په توپیر وګټله. د کرکټ بورډ ویاند فرید هوتک ازادي راډیو ته د نننۍ مسابقې په اړه وویل: "دغه لوبې د افغانستان په کوربه توب ترسره کېږي او بله لوبه به نن شنبه د دواړو هېوادونو ترمنځ وي. د افغانستان د کرکټ ملي لوبډله د دې لوبې لپاره پوره چمتووالی لري." د افغانستان او زیمبابوې ترمنځ دوې ټیسټ لوبې هم شوې وې چې یوه زیمبابوې او بله افغانستان ګټلې ده.

د بلخ ولایت امنیه قومانداني وايي، د نوروز جشن د لمانځنې لپاره ګډ امنیتي پلان ترتیب شوی دی. د دغې قوماندانۍ ویاند، عادل شاه عادل ازادي راډیو ته وویل، د دې پلان له مخې د مزار شریف د امن لپاره ځانګړي تدابیر په پام کې نیول شوي دي: "نهايي هڅه مو دا ده چې له نورو ځواکونو سره په همغږۍ په خوندي ډول د جشن د ترسره کېدو او په بلخ کې د مېلمنو او عزیزانو د خوندیتوب لپاره چمتووالی ولرو. ځانګړي قطعات، ۸۸۸ قطعه، د عامه نظم کنډک د دښمن د خصمانه حملو د شنډولو لپاره په پام کې نیول شوي دي." ښاغلي عادل وویل، د احتمالي... Читать дальше...

د پاکستان د بهرنیو چارو وزارت د افغانستان د سولې په اړه په مسکو کې وروستۍ غونډه مهمه وبلله. د دغه وزارت ویاند زاهد حفیظ چوهدري، پرون جمعه (د کب ۲۹مه) په اسلام اباد کې یوه کنفرانس ته وویل: "زموږ په باور له سولې پرته زموږ، د افغانستان د خلکو او سیمې اتصال، اقتصادي پرمختګ او سوکالۍ ګډ خوب به په واقعیت بدل نه شي. پاکستان په دې باور دی چې د مذاکرو او حکومتوالۍ پر لوري منحصر چلند به په افغانستان کې له دایمي سولې سره د پام وړ مرسته وکړي." د افغانستان د سولې په تړاو د مسکو غونډه د پنجشنبې په ورځ وشوه... Читать дальше...

فریسنو بي  د فریسنو بي په نوم امریکایۍ ورځپاڼه لیکي، طالبانو د جمعې په ورځ خبرداری ورکړ چې له ضرب الاجل سره سم د مې په لومړۍ نېټه باید امریکایي او ناټو ځواکونه له افغانستانه ووځي او که داسې ونه شي نو د دوی له غبرګون سره به مخامخ شي.  د ورځپاڼې په باور دا خبرداری دا معنی لري چې طالبان به بریدونه زیات کړي.  طالبانو دا خبرداری په مسکو کې یوه ورځ وروسته تر دې ورکړ چې دوی د سولې په غونډه کې برخه واخېسته.  د امریکا د ولسمشر جوبایډن اداره وایي چې له طالبانو سره شوي تړون ته چې له مخې یې باید امریکایي... Читать дальше...

د امریکا د متحدو ایالاتونو دفاع وزیر، لوېډ اسټن له هندوستان سره د اړیکو پیاوړتیا لپاره پرون جمعه (د کب ۲۹مه) مازیګر نوي ډیلي ته ورسېد. تمه کېږي چې په دې سفر کې د هندوستان د ملي امنیت له سلاکار اجیت دووال او نورو هندي چارواکو سره خبرې وکړي. د دواړو لوریو په خبرو کې به په سیمه کې د چین د نفوذ، د هندوستان او امریکا ترمنځ د اړیکو پیاوړتیا او د پوځي همکاریو موضوع شامله وه. هندوستان په پام کې لري چې له امریکا ۱۵۰ جنګي جټ او په لسګونو نورې بې پېلوټه الوتکې وپیري. لوېد اسټن د جو بایډن په اداره کې لومړنی جګپوړی چارواکی دی چې هندوستان ته سفر کوي.

د ملګرو ملتونو یوې ځانګړې راپورټرې په بېلاروس کې د بشري حقونو د مدافعانو د ځپلو په اړه اندېښنه وښوده. مري لاولر  پرون جمعه (د کب ۲۹مه) په یوه اعلامیه کې وویل، په بېلاروس کې د بشري حقونو پر مدافعانو فضا ډېره تنګه شوې ده. هغې ویلي چې پر دفترونو چاپې اچول، د بشري حقونو د مدافعانو نیول کېدل او له کارونو د وکیلانو راګرځول په بېلاروس کې په عادي چاره بدله شوې ده. د تېرې اګسټ میاشتې د ولسمشرۍ تر ټاکنو وروسته چې په نتیجه کې یې الکساندر لوکاشینکو ځان ګټونکی اعلان کړ، په بېلاروس کې نږدې هره ورځ مظاهرې کېږي. Читать дальше...

په تانزانیا کې سامیه سولهو حسن د لومړنۍ ښځینه ولسمشرې په توګه د وفادارۍ لوړه وکړه. پرون جمعه (د کب ۲۹مه) د دغه هېواد په میلیونونو وګړو د ټلوېزیونونو پر پردو دغه تاریخي شېبه وکتله. سامیه حسن تر دې مخکې د ولسمشر د مرستیالې په توګه دنده ترسره کوله. هغه د تانزانیا د ولسمشر جان مګافولي تر ناڅاپي مړینې وروسته د هغه د ځای ناستې په توګه وټاکل شوه. زیات کسان په دې باور دي چې سامیه حسن د افریقا د دغه بې وزلي هېواد د ادارې لپاره ښه وړتیا لري. سامیه چې ۶۱ کلنه ده، مخکې یې د وزیرې او د تانزانیا په پارلمان کې د وکیلې په توګه کار کړی دی.

د نړۍ ځینو چارواکو او رهبرانو پرون جمعه (د مارچ ۱۹مه) ځانونو ته د اسټرازینیکا واکسین په لګولو سره د دغه واکسین تطبیق بېرته پیل کړ. د فرانسې صدراعظم ژان کاستکس پرون د خپل هېواد یوه پوځي روغتون ته ورغی او د اسټرازینیکا لومړی ډوز ورته ولګول شو. په فرانسه کې تېره جمعه هغو کسانو ته د کرونا ضد دغه واکسین لګول بېرته پیل شول چې عمرونه یې تر ۵۵ کلونو زیات دی. په لندن کې د بریتانیا صدراعظم بوریس جانسن هم ویلي چې د اسټرازینیکا واکسین لومړی ډوز یې د جمعې په ورځ ولګاوه. ده ټینګار وکړ چې دغه واکسین هم... Читать дальше...

افغان چارواکو پرون جمعه (د کب ۲۹مه) يو ځل بيا ټينګار وکړ چې د هغو پيلوټانو او پوځیانو د وژنې غچ به واخلي چې الوتکه يې د ميدان وردګ ولایت په بهسودو ولسوالۍ کې په راکټ وويشتل شوه. د ملي دفاع وزارت لومړي مرستيال شاه محمود مياخېل دا خبره پرون د دې وژل شوېو پيلوټانو د رسمي پوځي درناوي په مراسمو کې وکړه. په ميدان وردګ کې د وسله والو يو قوماندان عبدالغني علیپور منلې چې د چهارشنبې او پنجشنبې ترمنځ شپه کې د ملي اردو یوه څرخي الوتکه ښايي د دوی په ډزو نسکوره شوې وي. د الوتکې د نسکورېدو په پېښه کې... Читать дальше...

د روسیې په پلازمېنه مسکو کې د ترویکا په نوم د هېوادونو په اعلامیه کې چې د امریکا د متحدو ایالاتونو، روسیې، چین او پاکستان له خوا خپره شوې، د افغانستان په اړه لسو مهمو ټکو ته اشاره شوې ده. لومړی په کې د پخلاینې له لارې پایداره سولې ته د رسېدو او د جګړې د پای ته رسېدو لپاره د افغانانو د غوښتنې ملاتړ شوی دی. دوهم له ټولو ښکېلو لوریو غوښتنه شوې چې تاوتریخوالی کم کړی او له طالبانو غوښتنه شوې چې خپل پسرلني عملیات پیل نه کړي. درېیم  د ملګرو ملتونو د امنیت شورا د ۲۵۱۳ نمبر پرېکړه لیک له مخې د ترویکا... Читать дальше...