Новости за 23.07.2021

د غزني ولایت چارواکي وايي، افغان امنیتي ځواکونو د دغه ولایت د مرکز غزني ښار په شااوخوا کلیو کې د عملیاتو په ترڅ کې لږ تر لږه ۱۱ وسله وال طالبان وژلي دي. د دغه ولایت د والي ویاند واحد الله جمعه زاده د دغو عملیاتو په اړه ازادي راډیو ته وویل: "دغه عمليات د غزني ولایت د مرکز اړوند د قلعه قدم،  پول حیدراباد، امیر محمد خان کلا او کډوالو ښارګوټي په سیمو کې د وسله والو مخالفینو د پاکولو په موخه پیل شوي وو چې په کې وسله والو مخالفینو ته مرګ ژوبله اوښتې چې له ډله یې ۶ تنه وسله وال وژل شوي او ۷ تنه نور یې... Читать дальше...

تونس ۱۶۶ پناه غوښتونکي چې په سمندر کې ګیر شوي وو، وژغورل او د ۱۶ تنو نورو مړي وموندل.  دغو پناه غوښتونکو غوښتل چې د مدیترانې سمندرګي له لارې ځانونه اروپا ته ورسوي.  د تونس د دفاع وزارت ویاند محمد ذکري وايي، په دغو پناه غوښتونکو کې ۶۵ تنه د مراکش، ۶۲ د بنګله دېش او ۱۵ د مصر اتیاع دي چې د ټولو عمرونه د ۱۵ او ۴۸ کلونو ترمنځ دي.  ده زیاته کړه، دا پناه غوښتونکي د تېرې جمعې په ماښام د لیبیا له ساحله روان شوي وو خو بېړۍ یې د تونس جرجیس بندر ته نژدې ماته شوه.  د تونس ملي ګارد تایید کړه چې ۱۶ پناه غوښتونکي ډوب شوي دي.

د توکیو د المپیک لوبو په درشل کې د دغو سیالیو د ترتیب مسوولانو د پنجشنبې په ورځ وویل، د پرانیستونکو مراسمو هنري رييس کنتارو کوبایاشي یې له کاره ایستلی دی.  د نوموړي د برطرفۍ دلیل پر هولوکاسټ یا په اروپا کې د یهودانو پر ډله ییزې وژنې پورې ملنډې بلل شوي دي.  کوبایاشي پخوا د کومیډین په توګه کار کاوه او په ۱۹۹۸ میلادي کال کې یې په خپله یوه کومیډي کې پر هولوکاسټ ملنډې وهلې وې.  د بشري حقونو یوې موسسې، سایمون ویزنتال په یوه بیان کې ویلي چې د المپیک په سیالیو کې د کوبایاشي ګډون د هغو ۶ میلیونو یهودانو... Читать дальше...

ټاکل شوې ده چې د ۲۰۲۰ میلادي المپیک لوبې په یوکال ځنډ نن جمعه د جولای په ۲۳مه د جاپان په پلازمېنه توکیو کې رسماً پیل شي.  دا لوبې د کرونا وبا د خپرېدو له کبله ځندېدلې وې.  د المپیک نړیوالې کمېټې ویلي چې په دې سیالیو کې به د ۲۰۴ هېوادونو ۱۱ زره لوبغاړي ګډون ولري.  له افغانستانه دې سیالیو ته د یوې نجلۍ په ګډون ۵ لوبغاړي بلل شوي دي.  د افغانستان د المپیک د ملي کمېټې د نشراتو امر عارف پیمان په دې اړه ازادي راډیو ته وویل: "له افغانستانه د ځغاستې په برخه کې دوه لوبغاړي کیمیا یوسفي او شاه محمود... Читать дальше...

اروپايي اتحادیه افغانستان او د دغه هېواد ګاونډیو هېوادونو ته د نوي مالي مرستې په ورکولو غور کوي چې اروپا ته د افغان پناه غوښتونکو د ورتګ له محدودولو سره مرسته وکړي.  په افغانستان کې د طالبانو له لوري د جګړې له تشدید سره باور کېږي چې ډېر شمېر افغانان به له خپل هېواده مهاجرت ته مجبوره شي.  په همدې حال کې د افغانستان د امنیتي وضعیت د خرابېدو له کبله دېرشو غیرحکومتي موسسو پرون پنجشنبه (د چنګاښ ۳۱مه) له اروپايي اتحادیې او د دې اتحادیې له غړیو حکومتونو وغوښتل چې خپل هېواد ته د افغانانو بېرته ستنول سمدستي ودروي. Читать дальше...

ډیپلوماټ خپرونه ډیپلوماټ خپرونې په اسلام اباد کې د افغانستان د سفیر د  لور د تښتونې تر قضیې وروسته د افغانستان او پاکستان تر منځ په ډیپلوماټیک کړکېچ باندې یوه مقاله خپره کړې ده.  په مقاله کې راغلي په داسې شرایطو کې چې دواړو هېوادونو باید له یو بل سره د تفاهم په تړاو لا زیات اړیکې نیولې وای خپل سفیران یې د دې قضیې په سر ور وغوښتل.  د افغانستان د سفیر لور سلسله عليخېل د جولای په ۱۶مه له اسلام اباده وتښتول شوه. افغان حکومت وویل چې سلسله له څو ساعتونو وروسته داسې وخت خوشې شوه چې سخته شکنجه شوې وه. Читать дальше...