Новости за 30.07.2021

د امریکا د بهرنیو چارو وزیر انتوني بلېنکن وايي، د اټمي موافقې پر سر له ایران سره د خبرو بهیر په نامحدود ډول دوام نه‌شي کولای او اوس هغه وخت دی چې ایران باید پرېکړه وکړي. ده پرون/ پنجشنبه په کوېټ کې یوې خبري غونډې ته وویل، د امریکا متحده ایالاتو اټمي موافقې ته د بېرته ګرځېدو لپاره خپل ښه نیت او لېوالتیا ښوولې او اوس «توپ د ایران په میدان» کې دی. ښاغلی بلېنکن زیاتوي: "حقیقت دا دی چې ایران باید پرېکړه وکړي، په دې اړه اساسي پرېکړه چې ایا غواړي خپلو ژمنو ته راوګرځي که نه، هېڅ انحراف دا اساسي واقعیت نه‌شي بدلولی. Читать дальше...

سویډني چارواکو یو شمېر افغان پناه غوښتونکي چې د پناه غوښتنلیکونه‌یې رد شوي وو او په توقیف کې ول، خوشې کړل. د سویډن د راډیو له راپور سره سم، ټاکل شوه چې دا کسان د روانې جولای میاشتې په لومړیو کې افغانستان ته واستول شي، خو سویډن د افغانستان حالاتو ته په کتو د پناه غوښتونکو د بېرته لېږلو پرېکړه واخیسته او نیول شوي کسان‌یې خوشې کړل. تر دې وړاندې د افغانستان حکومت له اروپايي هېوادونو غوښتي وو چې د افغان پناه غوښتونکو د بېرته ستنولو بهیر د درې میاشتو لپاره وځنډوي ځکه چې د طالبانو بریدونه زیات شوي دي.

ناټو او امریکا د ۲۰۱۴ م کال په پای کې د خپل محارب مأموریت له پای ته رسولو وروسته د غوڅ ملاتړ مأموریت په چوکاټ کې ځانګړي افغان ځواکونه دننه په افغانستان کې روزل، خو له افغانستانه د دوی د پوځیانو له وتلو وروسته څرګنده نه‌وه چې دا مأموریت به په کوم بهرني هېواد کې پر مخ یووړل شي. ناټو او ترک چارواکو پرون تأیید کړه چې ځانګړي افغان ځواکونه به په ترکیه کې د ناټو له لوري روزل کېږي. د افغانستان دفاع وزارت وايي، د ناټو له لوري په ترکیه کې د افغان ځواکونو د روزنیز پروګرام هرکلی کوي. د دغه وزارت ویاند... Читать дальше...

د افغانستان د بشر حقونو خپلواک کمېسیون وايي، د کندهار ولایت د سپین بولدک ولسوالۍ د ډله‌ییزو وژنو په اړه د دوی څېړنې ښيي چې طالبانو د بشري حقونو نړیوالو بشري قواعدو ته له اعتنا پرته د غچ اخیستنې لپاره ملکي وګړي وژلي او د دې ولسوالۍ د یو شمېر اوسېدونکو مالونه‌یې لوټ کړي دي. هغه څه چې طالبان‌یې ردوي. وروسته له دې چې د سرطان په ۲۳مه طالبانو سپین بولدک ولسوالۍ ونیوله، راپورونه خپاره شول چې طالبانو په دې ولسوالۍ کې شااوخوا ۴۰۰ تنه وژلي یا نیولي دي. د افغانستان د بشر حقونو خپلواک کمېسیون د راپور پر... Читать дальше...

واشنګتن پوسټ واشنګټن پوسټ ورځپاڼې په یوه مقاله کې په دې تمرکز کړی چې امریکا د افغانستان او چین له ننګونو سربېره د هند د ملګرتیا په لټه کې ده. لیکوال د مقالې پیل له هند سره د کرونا د واکسینونو لپاره د امریکا د ۲۵ ملیونه ډالرو په ورکړې باندې کړی. د لیکوال په باور امریکا دا کار په دې هدف کوي چې د خپلو دوو لویو جیوپولیتیکي ننګونو افغانستان او چین ترمنځ له ایسار هند سره ډیپلوماتیکې اړیکې غښتلې کړي. واشنګتن پوسټ هند ته د امریکا د بهرنیو چارو د وزیر انتوني بلېنکن د وروستي سفر په اړه لیکلي چې بلېنکن... Читать дальше...

د افغانستان د بیارغونې لپاره د امریکا ځانګړې څارونکې اداره (سيګار) اووه هغه عوامل په ګوته کړل چې په ۲۰۲۱ ميلادي کال کې يې د افغانستان امنيت او ثبات له خطرونو سره مخ کړی دی. د دغې ادارې په نوي راپور کې نشه‌يي مواد شپږم عامل بلل شوی چې د افغانستان راتلونکی تهديدوي. د سيګار په تازه راپور کې راغلي چې که څه هم نشه‌يي موادو د پخوا په شان د افغانستان امنیت او ثبات له تهديد سره مخ کړی، خو د افغانستان حکومت او نړیواله ټولنه اوس له نشه‌يي موادو سره مبارزې ته چندان پام نه‌کوي. سيګار وايي چې له افغانستان... Читать дальше...

په افغانستان کې پر جګړو او بې‌وزلۍ سربېره، د کورنيو ترمنځ بې‌اتفاقي او جلا کېدل د دې سبب شوي چې لسګونه ماشومان بې‌سرپناه او د کورنيو له سيوري څخه بې‌برخې پاته شي، وروسته همدا وضعیت هغوی دې ته اړ باسي چې نشو ته مخه کړي. رويا د هغو افغان ماشومانو له ډلې څخه ده چې په جګړو کې يې مور او پلار وژل شوي دي، کله چې دا د مور او پلار له پالنې، مهربانۍ او ملاتړ څخه بې‌برخې شوه، نو د معتادينو په دام کې ونښته. رویا وايي: "مور مې وفات شوه، پلار او کورنۍ مې نه‌درلوده، له داسې خلکو سره اوسېدم چې هغوی نشې کولې،... Читать дальше...