د افغانستان د معلولینو کرکټ ملي لوبډله هندوستان ته لاړه
د افغانستان د معلولینو کرکټ ملي لوبډله د نړیوال جام سیالیو د تیاریو په هدف نن چهارشنبه هندوستان ته روانه شوه.
د افغانستان د کرکټ بورډ له لوري په خپره شوې خبرپاڼه کې راغلي، دغه لوبډله به د جولای میاشتې له ۱۱مې نېټې څخه تر ۳۰مې پورې په یاد هېواد کې تمرینات ترسره کړي.
تردې تمریناتو وروسته به لوبډله د اګسټ میاشتې په لومړۍ نېټه انګلستان هېواد ته په نړیوال جام سیالیو کې د ګډون په موخه سفر وکړي.